Hyderabad: Hindustani Cricket Team ke sabiq captain Azharuddin ke Hyderabad cricket Association ( HCA ) ke sadar ban’nay ke baad is umeed ko taqwiyat mili hai ke wo Hyderabad cricket team ke muzahiroun mein behtari laane ke ilawa Hyderabadi ba-salahiyat nojawanoun ko qaumi aur bain ul aqwami satah par apna loha manwane mein koi kasar nahi chodenge aur khud Azharuddin ne aitraaf kiya hai ke Hyderabad mein salahetoun ki kami nahi hai balkay un ba-salahiyat khiladioun ko sirf sahih rahnumai ki zaroorat hai.
Haliya dinoun mein Hyderabad ki senior cricket team ke naaqis muzahiroun ke baad Hyderabad cricket Association ke sadar Mohammad Azharuddin ne faisla kiya hai ke wo West Indies ke Legendry fast bowler Curtly Ambrose ki khidmaat haasil karen ge. Gymkhana ground Secunderaabad par Azharuddin jo yahan under 23 aur under 19 team ke sath mojood they, Ne kaha kay wo Ambrose ke sath tabadlah khayaal mein masroof hain taakay fast bowler Hyderabadi nojawan khiladioun ko apne tajarbaat se istifada ka mauqa day saken. Umeed ki jarahi hai ke Ambrose Hyderabadi Ranji team ke liye ba-hasiat cricket musheer apni khidmaat injaam den ge.
Azharuddin ne kaha ke ye yakeeni hai ke Ambrose anqareeb Hyderabadi team mein shaamil honge aur ye zurori hai ke Ambrose jaisay Legendry fast bowler ke tajarbaat se Hyderabadi nojawan khiladioun ko seekhnay ka mauqa faraham kiya jaye. Azharuddin ne kaha ke Ambrose apne tajarbaat khiladioun aur couches ke sath batinge. Azharuddin ke manujab Hyderabadi team ke muzahiroun mein behtari ke liye ahem iqdamaat kiye janay zurori hai.
Sabiq hindustani captain aur HCA ke sadar Azharuddin ne kaha ke Hyderabad mein salahiyatoun ki kami nahi hai lekin hamaray khiladioun ko apni salahiyatoun ka muzahira karne ke liye sahih rahnumai ki zaroorat hai. –YTN STAFF