Hyderabad: Shehar-e-hyderabad mein GHMC intikhabaat ka baghal baj gaya hai aur hukmaran jamaat TRS , muqami mazboot jamaat AIMIM, kattar hareef BJP aurmulk ki qadeem jamaat congress ne apni tayyariyan shuru karne ke alawa apne apne umeedwaron ki fehrist bhi jari kardi hai lekin shehar ka aaindah 10 saal tak Mayor khatoon hi hogi.
Hyderabad mein aaindah 10 saal tak ek khatoon mayor banegi yeh wazeh hochuka hai. Greater hyderabad municipal corporation ( GHMC ) ki agli 2 meyaad ( 10 saal ) ke liye hyderabad mein khatoon mayor ki haesiyat se khidmaat anjaam degi. General Zumra mein khatoon corporators ke ohday par Faiz honge. fil haal mayor ka ohda pasmandah tabqaat ke liye mukhtas hai. Is saal ke awal mein TRS hukoomat ne riyasat mein aksriyati municipal corporation aur baldiyat mein raye shumari ki. Mayor ka ohda is saal ke shuru mein director municipal administration ( SDAM ) mein siyasi jamaaton ki mojoodgi mein munaqidah lotry dara ke zariye khawateen ke liye mukhtas tha.
Yeh pehla mauqa hai jab mayor ka ohda kisi khatoon ke liye makhsoos kiya jaraha hai. Is se qabal Sarojni palla ready, rani kumudni devi, Kartika reddy hyderabad ke mayor ki hesiyat se khidmaat anjaam de chuki hain. Isi tarhan 150 wards mein se 75 ward ( 50% ) khawateen ke liye makhsoos kardiye gaye hain. 150 wads mein se do ko ST, SC ( 10 ), pasmandah tabqaat ( 50 ), khawateen general ( 44 ) aur ghair mehfooz ( 44 ) ke liye makhsoos kiya gaya hai.