Hyderabad: Hyderabad ke Chandrayangutta ke ilaqa hashimabad mein ek 18 sala ladki ke sath zayad-ti karne par 2 Auto drivers ko jummay ke roz giraftar kiya gaya. Agar chay ye waqea 8 decemeber ko pesh aaya tha, Lekin ye jummay ko is waqt samnay aaya, Jab mutasirah ke ahal khanah ne police mein shikayat darj karwai.
Police ke mutabiq, Hyderabad ke Chandrayangutta ke ilaqa hashimabad mein 18 sala mutasirah ladki ko auto riksha driver ne dadi ke ghar le jane ke bahanay mobayyana tor par zayad-ti ka nishana banaya. it-tila-aat ke mutabiq, 8 decemeber ki raat mutasirah ladki aur is ki 10 sala behan apni dadi ke ghar ja rahay they, Isi duran wo rasta bhatak gaye.
Is duran 1 shakhs ne un logoun ko dekha aur madad ki peshkash ki. Wo un dono ko apne ghar le gaya, Jahan is ki walida ne gussa karte hue inhen wapas bhejnay ko kaha. Is ke baad, Is ki walida ne is shakhs ke chhootey bhai se kaha, Jo Auto riksha chalata hai, un ladkioun ko apni dadi ke ghar tak choddu, Un ladkiyoun ko unki dadi ke ghar chodney ke bahanay auto dravers un donu ko Nampally ke ilaqay mein waqay ek Lodge mein le gaya aur mutasirah ladki ke sath zayad-ti ki, Jabkay is ki chhoti behan sorahi thi.
Phir is ne aglay din decemeber ki subah donu ko Falaknuma Railway station ke qareeb chode kar faraar ho gaya. Mutasirah ladki ne apne ek rishta dar ko phone kiya jis ke baad wo apni dadi ke ghar poanch gayeen. Jahan is ladki ne tamam tafseelaat batayi. Jis ke baad is ke ahal khanah ne police mein shikayat darj karvayi. Police ne tafteesh ka aaghaz kar diya aur donu Auto drivers ko giraftar kar liya. –YTN STAFF