Hyderabad : Nawaboun ka shehar ke naam se mashhoor Hyderabad ki mezbani aur Biryani duniya bhar mein mashhoor hai lekin ab is tareekhi shehar ney ek aur behtar maqam haasil karliya hai jaisa ke Hyderabad, Hindustan ke deegar metro shehron ki bah nisbat ma-umar tareen afraad ke liye mehfooz tareen shehar bangaya hai.
Hyderabad Umar shehrion ke liye unki hifazat aur hifazat ke lehaaz se, mulk ke deegar metropolitan shehron ke muqablay mein ziyada mehfooz jagah hai.
National crime record bureau ( NCRB ) ney 2017 ke liye jari kardah adad wo shumaar mein hyderabad ke ma-umar shehrion ke khilaaf honay walay jaraim ka feesad sirf 0.4 bataya gaya hai. doosri taraf Mumbai 29.9 feesad adaad wo shumaar ke sath sare fehrist hai, iske bad-dosre maqam par Dehli 19.7 feesad aur Chennai 13 feesad ke sath teesray number par hai.
Ma-umar shehrion ke khilaaf jurm se mutaliq 14 mamlaat 2017 mein Hyderabad mein darj hue jabkay 2016 mein 40 aur 2015 mein 48 muqadmaat darj hue thay. NCRB ke adaad wo shumaar se pata chalta hai ke Hyderabad mein Ma-umar tareen shehrion ke khilaaf qatal se mutaliq ek muqadmay ko chodh kar, koi badey juraim nahi hue. Ma-umar tareen shehrion ke khilaaf jurm mein mobayyana kirdaar ke ilzaam mein 11 afraad ko giraftar kiya gaya.
Ma-umar shehrion ke mutaliq yeh data mutaliqa police station mein jari first information reports ( FIR) par mabni hai. Elders clubs international foundation ke zareya kiye gay ek surway mein inkishaaf hua hai ke 90 feesad buzurag shehrion ko apne bachon ki pareshani ka saamna karna padhta hai.
Foundation ke baani aur managing trustee ney kaha hai ke iske bawajood, buzurug apne hi bachon ke khilaaf police mein shikayat darj nahi karte hain. unhon ney kaha ke 60 saal ya is se ziyada Umar ke shehrion ko nah sirf jismani aur zehni pareshani ka saamna karna padta hai balkay muashi pareshaniyon ka bhi saamna karna padta hai. Unhoun ney kaha surway mein pata chala hai ke un mein se 36 feesad apni rahaish gaah par apna pasandeeda channel dekhnay se qassar hain. unhon ney kaha, hukoomat ney senior citizens ki bahaali aur behbood ka act 2007 mein nafiz kiya hai lekin yeh qanoon buzurgon ko bachanay ke liye aur unke liye raahat faraham karne mein hunoz sad feesad kamyaab nahi hai. –YTN STAFF