Hyderabad. Hussain Sagr Lake Police ne aik khatoon aur is ke 4 bachon ko jummay ke din khudkushi kar lenay se bchalya. Tafseelaat ke bamawajib khatoon apne bachon ke sath jheel ke paas mushtaba haalat mein ghoom rahi thi aur woh musalsal roye jarahi thi. Police ki aik gashti team ne is ke iraadon ko bhaanp letay hue Lake Police Station le aayi. tahqeeq par pata chala ke is ka shohar guzishta chand dinon se mamooli baton par jhagda kar raha tha aur mobayyana taur par najaaiz taluqaat rakhta hai. Khatoon ne bataya ke is ke shohar ne jumeraat ko bhi is se jhagda kya aur usay zad o kob bhi kya tha. Halaat se mayoos hokar khatoon apne 4 bachon samait khudkushi kar lenay ke iradah se Hussain Sagr pohanchi theen. Police ne is ki counseling ki aur phir mazeed counseling ke liye bharosa center bhaij diya.