Friday, February 23, 2024
HomeHyderabadHyderabad ko sad feesad teeka andazi ka shehar banane ki muhim

Hyderabad ko sad feesad teeka andazi ka shehar banane ki muhim

Hyderabad ko sad feesad corona se mehfooz banane ke liye khusoosi muhim ka agaaz kiya gaya hain. Greater Hyderabad municipal corporation aur muhkama sehat ki jaanib se shehar mein baaqaida muhim chalayi jarahi hain aur un tamaam afraad ko teeka andazi mein shamil kiya jaeiga jinho ne ab tak corona vaccine nahi li hai. Commissioner GHMC aur deegar auhdedar ko chief secretary Somesh Kumar ne greater Hyderabad ko sad feesad teeka andazi ke shehar mein tabdeel karne ki hidayat di hain.

Monday se kam se kam 10 din tak auhdedar ghar ghar pohunch kar sarwe kareinge aur is baat ka pata chaleinge ke teeka andazi mein hissa na lene wale afraad ki tedaad kitni hai aise afraad ke liye teeka andazi ka intezam kiya jaeiga. GHMC aur contounment board ke auhdedar mushtarkah taur par vaccine ki muhim greater Hyderabad aur contounment ke hudood mein chaleinge. Greater Hyderabad ke hudood mein maujood 4846 coloniyon aur bastiyon ke alawa contounment ke 360 ilaqon aur coloniyon mein yeh khusoosi muhim mukammil ki jaeigi.

Greater Hyderabad mein abhi tak 70 feesad se Zayed 18 saal se zayed umer ke afraad ne corona ka pehla teeka haasil kar liya hai. Auhdedar baaqi afraad ki teeka andazi ke zariye sad feesad vaccination ko yaqeeni baneinge. Greater Hyderabad ke hudood mein 175 gadiyon ka khusoosi intezam kiya gaya hain aainda 10 ta 15 din tak yeh yeh khusoosi muhim jaari raheigi. GHMC ke alawa aasha workers aangan wadi workers intamalogy se wabasta auhdedar is team mein shamil raheinge. Vaccine hasil karne wale afraad ko ek sanad hawale ki jaeigi sehat mand Hyderabad ke naara ke tehat shehar ko sad feesad vaccinetion mein tabdeel karne ke liye awaami numaindo se tawun hasil kiya jaeiga. Hyderabad Ranga Reddy medical SangaReddy izlaa ke collectors ko hidayat jaari ki gayi hain.