Dubai: Apne guzashta Match jeetnay wali Kings XI Punjab aur Sunrisers Hyderabad ki teams hafta ko IPL ke Match mein Playoff mein maqam ki umeed roshan rakhnay ke liye nabardaazma hon gi. Hyderabad 10 Matchon mein 4 fatohat, 6 nakamiyoo aur 8 nishanaat ke sath panchwin number par hai jabkay Punjab ki team 10 Matches mein 4 fatohat, 6 nakamiyoo aur 8 nishanaat ke sath chhatay number par hai. Playoff ko yakeeni bananay ke liye dono teams ko apne baqi 4 match jeetnay ki zaroorat hai.
Dono teams apna pichla Match jeet kar is muqablay mein shirkat kar rahi hain aur hauslay dono ke buland hain. Hyderabad ne Rajasthan Royals ko 8 wicket se aur Kings XI Punjab ne Delhi Capitals ko 5 wickets se shikast di thi. Sunrisers Hyderabad ke Captain David Warner ne kaha ke hum ne Rajasthan Royals ke khilaaf tawaqqa ke mutabiq karkardagi ka muzahira kiya. Mujhe lagta hai ke jis terhan hum ne Match shuru kiya woh lajawab tha. Hum Power Play ke baad wapsi karne mein kamyaab thay. Yeh ek mukammal khail tha jaisa ke hum chahtay thay.
Delhi ke khilaaf shandaar jeet se hosla afzaa Punjab ke Captain KL Rahul ne kaha ke koi bhi match jeetnay ke liye team ke Top batting order ke liye behtar karkardagi ka muzahira karna laazmi hai. Rahul ne kaha ke jab aap 6 batsman aur All Rounder ke sath khail rahay hain to phir match mein barqarar rehne ke liye Top 4 Batsman mein se ek ko ahem kirdaar ada karna hoga.
Kings XI Punjab ke Captain KL Rahul ne kaha ke aakhri match ke baad se Mohammed Shami ka aetmaad mein izafah huwa hai aur woh mustaqil tor par behtar karkardagi ka muzahira kar rahay hain. Arshdeep Singh ne match ke power Play mein 2 aur Death overs mein ek Over kiya. Unhon ne karkardagi umdah gaindin phenkay. Umeed hai ke hamaray bowler is karkardagi ko bhi aindah matches mein barqarar rakhen ge.