Hyderabad: Riyasat Telangana ke dar-ul-hukoomat ke qareeb shadnagar qasbay mein jumaraat ke roz ek nojawan veterinarian DR ku namaluum afraad ne qatal kardiya, Jabkay is ki jali hui laash mili. Ranga Reddy zila ke Shadnagar qasbay ke qareeb Chatanpally se Priyanka Reddy nami khatoon Dr ki laash mili.
Priyanka Reddy ju ek veterinary hospita mein duty nibhane Kolluru gaon janey ke liye Shadnagar mein waqay apne ghar se niklee thi, Is ne charshumbe ki shab apni behan ko phone kiya aur bataya ke ghar wapas atay hue is ki two wheeler gaadi toot gayi hai. Is ne apni behan se kaha ke wo khaufzadah hai aur kisi ko is ki madad karne aur gadhi ki marammat karne ki peshkash ki hai.
Baad mein jab is ke kunba walon ne Priyanka se rabita karne ki koshish ki to is ka mobile phone band tha. Police ne bataya ke poll ke qareeb se ek 20-25 sala khatoon ki laash mili hai. Sridhar Reddy ne laash ko dekh kar apni beti Priyanka ke tor par shanakht ki. senior police officer mauqa par pahonch gaye aur tafteesh ka aaghaz kar diya.
Wazeh ho ke rawan mah ke shuru mein isi zila mein ek aur bhayanak haadsay mein 1 shakhs ne apne daftar ke andar ek khatoon Revenue officer ko zinda jala diya tha, Lekin is amal mein wo khud bhi jal kar zakhmi ho gaya tha. Ye chonka daine wala haadsa Hyderabad ke muzafati ilaqay mein Ranga Reddy zila ke Abdullapurmet tehseel office mein pesh aaya tha. – YTN STAFF