Hyderabad : Chotay aur darmiyani karobaroun ki madad ke liye Google India ne Google pay ke tehat apna naya software Google pay forbes ke naam se muta-arif kiya hai. muft aur istemaal mein aasan digital adaigi ka nizaam chotay aur darmiyani darjay ke karobaroun ke liye design kiya gaya hai. is naye iqdaam se, sarfeen QR code ya phone number istemaal karkay barah-e-raast merchant store par ruqumat ki adaigi kar saktay hain.
Muttahid adaigi interfere ( OPI ) par kaam karte hue, Google pay for business taajiron ko apne UPI se munsalik bank account se barah-e-raast kamanay ki ijazat deta hai.
Hyderabad mein is nai sahoolat ke muta-arif karne ke mauqa par guftagu karte hue Google pay ke MD aur business head sujit sevandana ne kaha Google pay se hum chotay aur Mutwast tijarat ki raah asan bananay aur sarfeen ke liye wasee mawaqay ko digital adayigyon ke sath dhaalne ka iradah rakhtay hain jo ke mulk mein UPI ki taraqqi hogi.
Jabkay taqreeban 33 hazaar taajiron ne Google ke online adaigiyoun ko qubool kiya. company ne Pine labs aur inventory ke sath shiraakat daari ki hai taakay hindustan mein POS ke ek badey paemanay par 3500 se zayed shehron aur qasboun mein 2 laakh stores par phaile hui adayigyon ko online mumkin banaya jasakay. –YTN STAFF