Hyderabad: Hyderabad ke selaab zada rehaishi ilaqon khusoosan puranay shehar ke Hafiz Baba Nagar mein aabb-o-wahawa badbudar honay se awam ko matli aur sir dard ke ilawa deegar masail ki shikayat hai. Kayi ilaqay ke afraad kam se kam kuch din is ilaqay se baher niklana chahtay hain jab tak ke naalay band nah hon aur un ke ghar dobarah rahaish pazeer ho jaien. Hyderabad ke Awam ne kaha ke hum chahtay hain ke hukoomat hamaray gharon ki safai aur jaraseem kashi mein madad kere kyunkay baarisho ka silsila tham jane ke baad aabb-o-wahawa badbudar hochuki hai. Hafiz Baba Nagar ke rehaishi Ali Mohammad ne kaha kay mujh samait is ilaqay ke beshtar bashinday keechad saaf karne ke liye mazdooron ki khidmaat haasil kar rahay hain.
Agarchay kayi namaloom afraad aur ghir sarkari tanzeemen unhein paisa, Khoraak aur Crodon ki shakal mein madad faraham kar rahay hain lekin hukoomat ka kam hanooz baqi hai. Awam chahtay hain ke is ilaqay ko rehne ke qabil banaya jaye. Is se koi farq nahi padta hai ke hum kitni baar ghar ko dhotay hain jis ke bawajood boo nahi jati hai. Hum ne apna Furniture aur kapday baher pheink diye hain. Yahan tak ke hum ne kayi martaba apna ghar dhoya lekin is ke bajod badbo rahi hai. Ek aur maken Syed Hamid ne kaha hai ke ilaqay ki ziyada tar khawateen aur bachay ilaqay chod kar apne rishta daaron ke sath chalay gaye hain. Hamid ne mazeed kaha hai ke hum sirf ghar ki safai ke liye ghar jatay hain lekin hum Baitul Khala istemaal bhi nahi kar saktay hain kyunkay tamam nikasi aabb ki linen bhari hui hain.
Nah sirf Hafiz Baba Nagar balkay kayi deegar selaab se mutasirah ilaqon Al Jubail colony, Ghaus Nagar, Moinbagh, Eidi Bazaar aur Talabkatta ke awam ko bhi aisi hi shikayaat hain. Tolichowki ke Nadeem Colony ki rehaishi Naida Fatima jo jummay ke roz apne kiraya par makaan khaali kar rahi theen is douran unhoun ne kaha mera beta bemaar hai lehaza mein is terhan ki ghair sehat mand maqam par nahi reh sakti. Sab se ziyada mutasirah ilaqon mein Hafiz Baba Nagar aur Nadeem Colony ke makeeno ke mutabiq selaab ka pani galiyo se nikal gaya hai lekin naalay jon ke ton hain.
Mutasirah ilaqon ke awam ka mutalba hai ke un ke gharon ko rehne ke qabil banaya jaye. Hafiz Baba Nagar ke rehaishi kam se kam kuch din is ilaqay se baher niklana chahtay hain jab tak ke naalay band nah hon aur un ke ghar dobarah rehne ke qabil nah ho jaien. Darasal beshtar khawateen aur bachay pehlay hi ilaqay chhodh kar apne rishta daaron ke sath chalay gaye hain.