Hyderabad: Taqreeban 3 barson ke baad guzashta kuch dinon mein shehar aur mazafati ilaqon mein mosla dhaar barish ki wajah se Greater Hyderabad Municipal Corporation ( GHMC ) ki hudood mein ziyada tar 187 jhelen pani se bhari hain. Hyderabad Municipality Himayat Sagar aur Osman Sagar ke judwan zakhair mein bhi aabi satah mein izafah Record kiya gaya hai. Isi terhan Hussain Sagar ( Tank Bond ) mein pani ki satah 513.41 MTS ke mukammal Tank ki satah se bhi ziyada hai.
Halaank etwaar ko shehar mein taiz barish nahi hui hai lekin dono aabi zakhair mein pani ke bahao ka silsila jari hai. Itwaar ke roz shaam 6 bajey Himayat Sagar mein pani ki satah 1759.40 thi jabkay is ki ziyada se ziyada gunjaish 1763 feet hai. Isi terhan Osman Sagar mein pani ki ziyada se ziyada gunjaish 1790 hai jahan itwaar ki shaam mein gunjaish 1771 hochuki thi. Hyderabad Metropolitan water supply and Sewerage Board ( HMWSSB ) ke ohdedaron ne kaha hai ke pani ki satah 1760 feet tak pahonch jane ke baad Himayat Sagar ke selaab gate se pani ko chod diya jaye ga. Darin Isna pehlay hi aabi zakhair mein mustaqil bahao ke nateejay mein mehsool, Police aur baldeati ohdedaron ko chokas kardiya gaya hai.
Alawa azeen Hussain Sagar mein pani ki satah 513.57 meter ton hai jo kay ziyada se ziyada pani ki gunjaish 513.41 meter tons hai. GHMC ke ek ohdedar ne kaha hai ke agarchay itwaar ke roz yahan pani ki satah kam hogayi hai, Lekin jheel mein pani ki satah FTL ( ziyada se ziyada gunjaish ) se oopar hai.
Hyderabad Municipality ki hudood mein 187 jhelen hain aur ohdedaron ke mutabiq ziyada tar jheelon mein pani ziyada se ziyada aabi satah ko chho chuka hai. Musalsal baarisho ke pesh-e-nazar GHMC ka Leaks wing jheelon mein pani ki satah ki musalsal nigrani kar raha hai aur isi ke mutabiq iqdamaat ka aaghaz kar raha hai. Shadeed baarisho ke pesh-e-nazar mutadid jheelon ke nashebi ilaqon ke rahaishion ko chokas kardiya gaya tha.