Hyderabad : Hyderabad ke aakhri Nizam ke Wariseen mein 7 dahaiyoun qabal London ke bank mein jama karwaye gaye 35 million pound raqam mein apna hissa haasil karne ke liye ladai jari hai. Britain ki high court ne 70 sala puranay tanaza mein 2 October ko Hindustan ke haq mein faislay ke sath hi, Hyderabad, Riyasat ke aakhri hukmaran, 7th Nizam Mir Osman Ali Khan ke qanooni virsa ki taraf tavajja di jarahi hai, jis ne 1948 mein Hindustan se rujoo kiya tha.
Adalti faislay ke Baad aaney wali kuch it-tila-aat ke sath yeh ishara diya gaya hai ke yeh raqam shehzada Mukaram Jah Bahadur, 8th Nizam aur unke chotey bhai Mufakkham Jah ke paas jayegi, Asif jahi ke aakhri hukmaran ki deegar naslen bhi apne hissay ka daawa karne ke liye kamar basta hain.
Mir Osman Ali Khan ke pote Nawab Najaf Ali Khan ke mutabiq unhon ne hi purana record nikaal kar aur muzakraat kar ke bank mein phansay paise ko nikaalte ki pehal ki thi. unhon ne kaha ”agar yeh dono pote hi daweydaar hain, to woh 2013 tak kyun chup baithe rahe.
Nawab Najaf Ali Khan ne kaha ke woh Nizam state aur hindustani hukoomat ke mabain mushtarqa tor par is case ka muqaabla karne ke muahiday ke haami hain. inhen yaqeen dilaya gaya hai ke yeh raqam Nizam ke tamam qanooni wisa mein taqseem ki jayegi.
Bartania high court ne 1948 mein Hindustan ke sath hyderabad ke ilhaaq ke douran net west bank ”PLC“ mein jama funds ke barey mein Pakistan ke daaway ko mustard kar diya. Taqseem-e-hind ke baad aur is waqt ke Hyderabad riyasat ka Hindustan mein Inzimam se qabal, ntam ke wazeer-e-khazana Moeen Nawaz jung ne London mein is waqt ke Pakistan high commissionaire, HI ke naam par 10,07,940 pound storling aur nine shelling muntaqil kardi theen.
Pakistan ke paas Bartania high court ke faislay ko challenge karne ke liye 4 haftay hain. Nizam ki aulaad aglay 10 din mein is muamlay mein kuch ki tawaqqa karti hai.
Najaf Ali Khan ne kaha ke agar dono bhai hamaray hissa se inkaar karenge to hum adalat jayenge. hum khamosh nahi rahenge.
Najaf Ali Khan ne is hAerat ka izhaar kiya ke ”jab woh 15 saal se bank mein phansay hue paise ke liye ladh rahe they to kisi ne kyun aiteraaz nahi kiya. Khan ne daawa kiya ke un ke dada ne kabhi yeh nahi bataya ke sirf mukaram Jah aur Mufakham Jah hi un ke do qanooni waris hain. ntam family welfare association ke sadar reh chuke Najaf Ali Khan ne kaha ”unke tamam betay, pote is ke waris hain“.
Khan ne yeh bhi daawa kiya ke agar sirf mukaram Jah aur iske bhai hi qanooni waris hotay to dosaron ko Nizam ke zareya qaim mukhtalif trusts se fawaid haasil nahi hotay. –YTN STAFF