Hyderabad: Telangana ke chief minister KCR ne police ko kuch takhreeb-car quwaton ke khilaaf sakht karwai karne ki hidaayat di jo GHMC intikhabaat ke douran bahar nikal aaye hain. Unki shadeed mayoosi aur intikhabaat mein mumkina shikast ki wajah se woh riyasat-e-Telangana mein jhadpon aur firqa waranah kasheedgi ko bhadkanay ki koshish kar satke hain.
Chief minister ne riyasat mein aman o aman ki sorat e haal se mutaliq ek aala sathi jaiza ijlaas munaqqid kiya. cheif secretary somesh kumar, DGP Mahnder reddy, Hyderabad, cyberabad aur rachakonda commissionaire of police Anjani kumar, mahesh bhagwat, VC sajjanar, additional DGP Jitendra, IGS Stephen ravinder, y naga ready, nizaamabad IG shiv Shankar reddy, Warangal IP pramod kumar aur deegar ne shirkat ki.
Cheif minister ne forces ka naam liye baghair kaha ke hukoomat ko un anasir ke mansoobon ke baray mein qatee maloomat hain. riyasat mein aman o Amaan barqarar rakhna reyasti hukoomat ke agenday mein sare fehrist hai aur un anasir ki taraf se aman aur hum ahangi ko kharab karne ki jo bhi koshish ki jayegi usay mazbooti se nipta jana chahiye. unhon ne elaan kiya ke samaaj dushman anasir ko aahinii hathoun se kuchalna chahiye. Cheif minister ne wazeh kiya ke police ko samaaj dushman anasir se nimatnay ke liye azadana ikhtiyar diya gaya hai.
GHMC intikhabaat ke douran kuch rehnuma mutadid sazishon ke zariye siyasi faida uthany ki koshish kar rahay hain. pehlay to unhon ne jaali khabron ko phelanay ke liye social media ka istemaal kiya hai. unhon ne logon ko mazhaka khaiz tasweeron ke zareya asal masail se tawajah hataane ki koshish ki thi. baad azan woh apni muhim ke zareya ishtial angazi mein mulawis hue hain lekin is ke bawajood hyderabad mein aman pasand log apne jhutoun ki shar angazi ka shikaar nahi hue.