Abu Dhabi: David Warner ki Captani mein Sunrisers Hyderabad aur Eion Morgan ki qayadat mein Kolkata Knight Riders guzashta muqablon mein hui shikast ko faramosh karte hue etwaar ko wapsi karne ke iraday se utrain ge. Hyderabad ko guzashta muqablay mein Chennai ke khilaaf 20 shikast se saamna karna pada tha jabkay Kolkata ko Mumbai ne 8 wicket se shikast di thi. Hyderabad ki team 8 Matches mein 3 fatohat, 5 shikast ke sath 6 point ke sath panchwin aur Kolkata 8 Matches mein 4 fatohat, 4 shikast ke sath 8 point ke baad chouthay number par hai.
Pichlle match mein Chennai ne Hyderabad ko shikast di thi jis mein Hyderabad ki batting mukammal nakaam rahi thi. Warner ku apni batting order ku behtar bananay ki zaroorat hai. Chennai ne Hyderabad ko 168 runs ka hadaf diya jis ke jawab mein Hyderabad ki team 147 runs hi bana saki. Hyderabad ki taraf se Jonny Bairstow ( 23 ) aur Kane Williamson ( 57 ) hi score karne mein kamyaab rahay aur deegar batsman ne kaafi mayoos kiya. Hyderabad ku Kolkata ke khilaaf mazboot aghaz karna hoga aur Warner ku bhi apni karkardagi se team ko mazboot karne ki zaroorat hai. Middle order mein Priyam Garg, Manish Panday aur Vijay Shankar ko bhi apni form dobarah haasil karni hogi. Hyderabad ki bowling Chennai ke khilaaf achi thi aur un ke bowlers ne Chennai ko Challenging score par rokkk diya tha.
Kolkata ke Chennai ko Rashid Khan, Khaleel Ahmed aur Sandeep Sharma ke challenge par qaboo paana hoga. Hyderabad ki bowling inhesaar Rashid par hoga. Taham woh Chennai ke khilaaf wicket haasil karne mein nakaam rahay thay. Dinesh Karthik ki jagah Tournament ke darmiyan mein captani sambhalay walay Morgan ko Mumbai ke khilaaf ghaltion se sabaq haasil karna hoga kyunkay Tournament ka dosra daur shuru hochuka hai aur kolkata ke paas behtari ke liye ab ziyada waqt baqi nahi hai. Kolkata ki batting ek baar phir Mumbai ke khilaaf nakaam rahi thi jis mein inhen waqt rehtay islaah karni hogi. Kolkata mein Cummin, Prasidh Krishna, Russell aur Varun Chakravarthy jaisay ,Bowlers hain jo Hyderabad ke liye pareshani ka sabab ban satke hain. Team ke Spinner Sunil Narayan ko 2 Matches ke liye team se baher kadeya gaya hai, Lehaza Spine ki zimma daari Varon par hogi. Kolkata aur Hyderabad ke mabain match is season ke shuru mein is se pehlay muqaabla hochuka hai jahan Kolkata ne Hyderabad ko 7 wickets se shikast di thi. Kolkata ka hosla is Record se buland rahay ga jabkay Hyderabad ki team sabiq shikast ka badla lena chahay ga.