Hyderabad: Hyderabad aur Cyberabad police ne charshumbe ke roz khatoon veterinary Dr ke sath honay walay esmatdarri-o-qatal ke afsoosnaak waqea se mutaliq Socail media par tauheen amaiz remarks post karne par mazeed 2 afraad ko giraftar kiya gaya. Hyderabad police ne mutasirah khatoon ke baray mein qabil aitraaz tabsarah karne par Sai Nath nami nojawan ko Andhra Pradesh ke zila Guntur mein tehweel mein liya. Wo dosra nojawan hai, Jis ko tauheen amaiz remarks ke ilzaam mein giraftar kiya gaya hai.
Isi terhan, Cyberabad police ne Facebook par ek khatoon rehnuma ke baray mein tauheen amaiz tabsaray karne par, Telangana ke Nagonda zila ke Gundrampally gaon ke rehne walay 28 sala shakhs Anil Kumar Ambala ko tehweel mein liya gaya hai. Police ne Hyderabad ke rehaishi Vijaya Kesari ki shikayat par amal karte hue Anil Kumar ko giraftar kar liya jis ne un ke khilaaf ghair mazhabana aur qabil aitraaz tabsarah kiya tha.
Police ne 30 November ko kuch na maloom afraad ke khilaaf muqadma darj kiya tha, Jinhoun ne haal hi mein jinsi tashadud aur qatal ke mutasireen ki tasaveer upload ki then aur Facebook par wo na qabil aitraaz tabsaray bhi post kiye they. Police ke mutabiq ye post intahi fehash they.
Wazeh ho ke, November ki raat, Hyderabad ke muzafaat mein Shamshabad mein Outer Ring road ke qareeb 4 afraad ne khatoon veterinary dr 27 ki esmatdarri ke baad qatal karkay halaak kiya tha aur is ki laash ko jala diya tha. Aur is ki laash ko shadnagar ke qareeb pheink diya tha.-YTN STAFF