Hyderabad: Shehar Hyderabad ke cyberabad police Commisioner ke hudood mein 26 sala Vaterinaty Dr ki ijtimai esmatdari ke baad is ke qatal aur laash ko chala dena ki waardaat mein mulawis mulzmien mein se ek mulzim Chennakeshavulu ki biwi ke baray mein ek chonka dainay wala inkishaaf huva hai jaissa ke is ke na baligh honay ka pata chala hai.
Narayanpet District child protection Department ke ohdedaroun ne is masla ka jaiza liya. Ohdedaroun ne is ladki ke talluq se tafseelaat is ke school se haasil ki hain jin ke zareya pata chala ke is ladki ki omar 13 saal aur 6 mah hai. wo filhal 6 mah ki haamila hai. Chennakeshavulu ke walidain se ohdedaroun ne is silsila mein baat ki aur unko tavajja dilatey hue kaha ke is ladki ki Omar 18 baras honay tak is ko bachoun ki dekh bhaal ke idaara mein rakha jaye ga jis par unhoun ne razamandi zahir ki.
Is ladki ke walidain nahi hai. Wo bachpan hi se dadi ke makaan mein reh rahi thi. Chennakeshavulu ne is se mohabbat ki shadi ki thi jis ke baad wo Chennakeshavulu ke makaan aagai. Is ladki ki ek aur chuuti behan aur bhai bhi hai. filhal wo dadi ke makaan mein hi hai.
Lashain 50% tak muskh hogayen
Vaterinary Dr ki ijtimai esmatraizi ke baad is ke qatal aur laash ko chala dene ki waardaat mein mulawis mulzmien ki lashain taqreeban 50% tak muskh hochuki hain. ye mulzmien Encounter mein halaak hogaye they. Gandhi hospital jahan ke murda khanah mein un laashoun ko mehfooz rakha gaya hai, Is ke superintendent ne Telangana high court ko mutalba kiya hai ke un laashoun ko 2 degree celcies darjah hararat mein rakha gaya hai aur ye lashain taqreeban 50% tak muskh hochuki hain.
unhoun ne kaha kay ek hafta mein ye lashain mukammal tour par muskh ho jaien gi. Un laashoun ko un ke arkaan khandan ke hawalay karne ka faisla adalat ne nahi kiya hai. Adalat ne jummay ko un laashoun ki tafseelaat pesh karne ki Superintendent ko hadaayat di thi. –YTN STAFF