Hyderabad : Parliament mein Jammu Kashmir se mutaliq Article 370 ko hataye janey ke wazeer-e-dakhla Amit Shah ke elaan ke baad kisi bhi imkani sorat-e-haal ko dekhte hue Hyderabad City police commissionaire Anjani kumar IPS ney shehar-e-Hyderabad mein ahteyati tor par police ahalkaroun ko nafiz kiya hai. aur police commissionaire Anjani kumar wo senior officers puranay shehar wo deegar ilaqoun mein camp lagaye hue hain.
Ahtiyat ke tor par police ki gasht mein izafah kiya gaya hai. City Police commissionaire Anjani kumar ney kaha hai ke hyderabad ke paanch Zones mein sorat-e-haal par aman hai. unhon ney kaha ke hyderabad aman ka shehar hai, yahan ke log aman pasand hain, inhen apne shehar ko taraqqi karta dekhnay ki khwahish hai. bahar kahin bhi kuch bhi ho inhen isse koi matlab nahi. jiski wajah se mahol pur aman hai. unhoun ne kaha ke aisay mauqa par awaami taawun ahem hai. unhon ney shehare-e-Hyderabad ke logoun ki sarahana ki. –YTN STAFF