Hyderabad : Election Commission ne peer ko Huzoor nagar assembly zimni intikhabaat ke liye notification jari kar diya. schedule ke mutabiq parcha namzadgi peer se 30 September tak returning officer ke zareya masool honge. kaghzat namzadgi ki jaanch padtaal 1st october ko hogi, jabkay kaghzat namzadgi wapas lainay ki aakhri tareekh 3 october hai.21 october ko raye dahi hogi aur 24 october ka raye shumari hogi aur nataij ka elaan kiya jayega.
Intikhabi amal ke liye tehsildar Huzoor nagar ke daftar mein intizamaa kiye gaye hain. yeh zimni intikhabaat, Uttam kumar reddy ke istifa dainay ki wajah se munaqqid ho rahay hain. Uttam kumar Nalgonda se lok sabha ke liye muntakhib honay ke baad istifa diya tha.
Hukmuran TRS ne pehlay hi is nishist ke liye apne umeed waar S Siddi reddy ka elaan kardiya hai, jinhoun ne 2018 ke intikhabaat mein isi nashist se election lada tha, lekin Uttam kumar reddy se haar gaye they.
Congress ki sabiq rukan-e-assembly aur Uttam kumar ki ahliya Padmawati ka intikhab mumkin hai, jabkay BJP bhi ek umeed waar talaash kar rahi hai jo is nishist se jeet sakta hai. –YTN STAFF