Abu Dhabi: Mumbai Indians ke Captain Kieron Pollard ne kaha hum sirf Jasprit Bumrah par inhisaar nahi kar saktay jinhon ne Royal Challengers Bangalore ke khilaaf 5 wickets ki shandaar kamyabi ke baad Playoff mein dakhila liya, Unhoun ne AB de Villiers ki Wicket ko ahem qarar diya. Kisi ek khiladi par inhisaar nahi kiya ja sakta hai aur team mein mojood tamam khiladion ko behtar karkardagi ka muzahira karna hoga.
Pollard ne match ke baad kaha ke mein match ke halaat ka tajzia karne ki koshish karta hon. Mein bohat Cricket daikhta hon. Mein ne bi AB de Villiers ku Bold kiya aur un ki wicket haasil ki. Pollard nai mazeed kaha ke mein aakhri over tak intezaar karsaktha tha lekin hum sirf Jasprit Bumrah par inhisaar nahi kar saktay hain. Bumrah pooray Tournament mein shandaar bowling kar rahay hain lekin yeh team khail hai aur hum sab ek team ke jazbay ke tehat khail rahay hain.
Mumbai ke Captain Pollard ne Suryakumar Yadav ki na qabil-e-shikast 79 runs ki Inning ki tareef karte hue kaha ke hum ne kuch Wickets ganwaa den lekin Surya ne shandaar Inning khail kar hamein fatah dilaye. Teesray number par anay ke bawajood Surya ne jis Strike Rate ke sath batting ki thi woh tasawwur se balatar hai. Halaat kuch bhi hon Surya ne baar baar achi karkardagi ka muzahira kiya. Hindustani team mein muntakhib nah honay par woh mayoos hon ge lekin mujhe lagta hai ke woh intikhab ke bohat qareeb hain.
Difai Champion Mumbai ne Sheikh Zayed Stadium mein khailay gaye match mein umdah form mein mojood Suryakumar Yadav ki shandaar Inning ki badolat Royal Challengers Bangalore ku 5 wickets se shikast day kar Playoff mein dakhila haasil karliya hai.