Bhopal: Apne mutanazia bayanoun se hamesha surkhiyoun mein bani rehne wali, Bhopal se rukan-e-parliment Sadhvi Pragya Thakur phir se apne bayan ki wajah se tanaza ka sabab ban gayi hain. Darasal Pragya Thakur nay wazeer-e-aazam Narendra Modi ki ”Swachh Bharat Abhiyan“ se mutaliq be-hadd ajeeb bayan diya hai.
Madhya Pradesh zila mein party kaarkunon ko mukhatib karte hue unhoun nay kaha ke ”Inehn naaliyan aur Toilet ko saf karne ke liye muntakhib nahi kiya gaya hai.
Pragya Thakur ke is bayan par kayi sawal uth rahay hain, kyunkay wazeer-e-aazam Modi ”Swachh Bharat Abhiyan“ ke tehat mulk ko saaf aur khulay mein toilet karne se chukara dilanay ke liye kaam karne ki baat karte rahay hain.
Sehur ke sarkari guest house mein muqami BJP rukan-e-assembly Sudesh raye ki moujoodgi mein party kaarkunon ko mukhatib karte hue Pragya Thakur nay kaha ”ham naalian aur toilets ko saaf karne ke liye muntakhib nahi kiye gaye hin“. aur jin kamon ke liye hum muntakhib kiye gaye hain, inhen imandari se kiya jayega.
Is se qabal bhi kayi baar apne bayanaat ki wajah se Pragya thakur tanazaoun mein rahi hain, maslan haliya lok sabha intikhabaat ke douran Pragya singh Thakur nay Nathurram godse ko Muhib-e-watan batatay hue kayi mutanazia bayanaat diye they. jis par wazeer-e-aazam nay saaf keh diya tha ke woh mutanazia bayanaat ke liye Pragya Thakur ko maaf nahi karenge.
Pragya singh Thakur ke is bayan ke baad kayi sawal uth rahay hain. MP congress nay Twitter ke zareya kaha hai ke ”Bhopal ki rukan parliment nay Modi ke ”Swachta Abhiyan “ se khud ko alag kiya, aur bolein ke ””hum naaliyan aur toilets ko saf karne ke liye muntakhib nahi kiye gaye hain“. to phir modi jee aur BJP leader safai paish karte hue photo khichane ka natak kyun karte hain. –YTN STAFF