Hyderabad: Telangana High Court ney riyasat mein corona ki sorat e haal ka jaiza liya. Adalat ne corona ki jaanch aur na munasib maloomat ki farahmi par barhami zahir ki. Bench ne hukoomat se sawal kiya keh adalat ke ehkaam ki khilaaf warzi karne walay ohday daaroun ke khilaaf karwai kyun nahi ki gayi hai High Court ney adam itminan ka izhaar karte hue kaha ke baar baar ehkaam jari karne ke bawajood is ke ehkaam par kyun amal nahi kiya gaya adalat ney Remarks kiya ke riyasat Telangana Delhi aur AP ke muqablay corona ki jaanch ke muamlay mein kaafi peechay hai is ney Remarks kiya ke hukoomat so rahi hai aur awam ko mushkil mein dala ja raha hai kyun ke Corona ke mamlaat mein izafah hota ja raha hai hukkaam jaan boojh kar haqayiq ko chhupa rahay hain aur bistaroun ki tadaad ki tafseelaat par par adalat ko gumraah kiya ja raha hai.