New Delhi: Wazeer khazana Nirmila Sitharaman ne charshumbe ke roz kaha ke hukoomat ne pyaaz ki badhti qeematoun se nimatnay ke liye dar-amad sameit mutadid iqdamaat kar rahi hai, Sath hi unke zakheera karne se mutaliq mutaad umoor hain, Jin par hukoomat tavajja deney ki koshish kar rahi hai. Sitharaman ne Lok sabha ko bataya ke ”khaaridari ke ilawa deegar iqdamaat uthaye ja rahay hin“. Unhoun ne 2019-20 ke liye Grant ke izafi mutalboun par behas ka jawab dete hue kaha kay ”Pyaaz ki bar-aamad par pabandi aed kar di gayi hai aur is ki dar-amad ke liye Tender jari kiye gaye hain.
Wazeer ne arkaan parliament ko ye bhi bataya ke hukoomat ne fazil mumalik ki khuli manndi aur pyaaz ke ugane walay ilaqoun se dar-aamad karne ka bhi faisla kiya hai. Unhoun ne mazeed kaha ke khuli mandiyoun ki nilami ke zareya pyaaz taqseem ke liye iqdamaat kiye ja rahay hain. Hukoomat ki janib se pyaaz ki badhti qeematoun ko roknay ke liye uthaye janay walay iqdamaat mein, bar-amad par pabandi, Stock ki hudood ka itlaq, Izafay se pyaaz ki dar-aamad aur khasaray walay ilaqoun mein muntaqili shaamil hain. –YTN STAFF