Hyderabad : AIMIM ke sadar Asaduddin Owaisi ney mangal ko media numaindoun se baat karte hue kaha ke hujumi tashadud ( Mob Lynchings ) wazeer-e-aazam Narendra Modi ki meeras hai .
Unhoun ney kaha ke Modi ko hindustani tareekh mein Hujumi tashadud ( Mob Lynchings ) ke liye yaad kiya jayega. kyunkay unke hi daur Iqtidaar mein is tarha ke waqeat runuma hue hain .
Asad Owaisi ney kaha ke’ ‘ yeh waqeat Narendra Modi ko hamesha pareshan karenge. kyunkay unhon ney inhen nahi roka tha. Asad Owaisi jo chowthi martaba halqae lok sabha Hyderabad se intikhab lad rahay hain, unhoun ney Assam ke waqea ki muzammat ki jis mein ek musalman shakhs par shadeed hamla kiya gaya tha .
Owaisi ney kaha ke is hamlawaroun ko yeh yaqeen tha ke unki hifazat hogi kyunkay unki apni party Iqtidaar mein thi. Owaisi ney kaha ke Modi RSS ke nazriya ko maanne waloun ke chokidaar hain .- YTN STAFF