Riyadh: Saudi Arab ki wizarat Hajj-o-Umrah ki taraf se Hujjaj ikram ko Rami jamarat ke liye jaraseem se pak aur Pack shuda kankariyan faraham ki gayeen hain. Allah ke maheman aaj Mina mein Jamara Ukba mein Rami jamarat karen ge. Tafseelaat ke mutabiq Saudi Arab ke qaumi markaz baraye insidaad amraaz ney ek bayan mein kaha hai ke rawa saal Hajj Season par sahet Protocol ki roshni mein Hujjaj ikram Sanitize ki gayi jaraseem se pak aur Pack shuda kankariyan faraham ki gayi hain.
Bayan main kaha gaya hai ke Corona waba se bachayo ke liye ikhtiyar kardah Mechanism ke mutabiq Rami Jamarat ke liye Hujjaj ko chhootay chhootay groupon mein taqseem kiya jaye ga. Ek waqt mein ek se zayed group ko Rami ki ijazat nahi hogi. Is ke ilawa Rami jamarat ke manasik Hajj ki adai ke douran Hujjaj ikram ek dosray ke darmain dhai meter ke faaslay par hon ge. Health Protocol ke mutabiq Hujjaj ikram ko Rami jamarat ke mauqa par chehray ko Mask se dhanpe, Ziyada se ziyada sanitizers istemaal karne aur jamarat ke liye muqarrar kardah raaston ka istemaal karne ki sakhti se takeed ki gayi hai.