Hyderabad: Telangana High Court ne reyasti hukoomat ko hidaayat ki ke woh yeh yakeeni banaye ke selabi pani Osmania General Hospital ke ihatay mein Musi nadi ke zareya daakhil nah ho. High Court ke division bench ne aindah chand rooz ke douran barish ki pesh qiyaasi ko mad-e-nazar rakhtay hue yeh ehkamaat diye hain.
High Court ne Deccan Archaeological and Cultural Research Institute ke bani aur Managing Trusty Jatendar Babo aur peshe se ek medical Dr. Dr Shamem Sultana ki janib se shikayat karte hue dair awaami mafadaat qanooni charah joi ( PIL ) ka jawab dainay ke liye mutaliqa hukkaam ko Notice jari kardiye, Darkhwast guzaron ne 8 November 2010 ko GO 313 ke tehat manzoori ke baad Osmania General Hospital ki nai imarat ki taamer mein takheer ka bhi hawala diya hai.
Baad azan Division Bench ne maamla ki agli sunwai 12 November tak multawi kar di hai. Darkhwast guzaar ne apni darkhwast mein ilzaam lagaya hai ke reyasti hukoomat dawakhanon mein baarisho ke pani ki nikasi ka nizaam aur Sewerage ke nizaam ko behtar aur safai ko barqarar rakhnay mein nakaam hogayi hai. Alawa azeen nai emarton ki taamer ke amal mein takheer bhi masail mein shaamil hai. Unhoun ne High Court se par zoor darkhast ki hai woh hukoomat ki is Osmania Hospital ku leker laparwahi ku khair qanoni, Mann maani aur khair ayeeni qarar day.
Yaad rahay ke shehar mein haliya barisho ki wajah se Hyderabad ka Infrastructure tabah hochuka hai aur khaas Musi nadi aur is ke atraaf ke ilaqon ko bhi Orange Warning ke dairay mein shaamil kiya gaya hai. Alawa azeen Purana Pole bhi awam ke liye band kardiya gaya hai kyunkay is Pole ka Infrastructure bhi shadeed barish se mutasir honay ka khadsha hai. Osmania dawakhana ko bhi Musi nadi ke pani se honay walay khatray par ab tawajah di jarahi hai.