New Delhi: Koi bhi masoom kis terha apni jaan ki hifazat karsaktha hai jab is ka dushman is ke atraaf mein hi mojood rehta ho aur mauqa ki talaash mein ho ke kab usay mauqa miley aur woh hujumee tashadud ke parday mein usay mout ke ghaat utaar day. Un dinon Hindustan mein Hujumee tashadud ka nishana banatay huwe Muslim Noujawanon ko mout ki neend sulanay ke khatarnaak ruhjanaat urooj par hain aur is ka nishana ziyada tar aur agar kaha jaye ke sirf aur sirf Muslim afraad ki aksariyat hi hai to durust hoga.
Tamheed bandhney ka maqsad sirf aur sirf Jharkhand mein 24 sala Muslim Noujawan Tabrez Ansari ke dard naak waqhiye ki taraf tavajju mabzol karwana hai jo ke aik yateem honay ke ilawa apne aabadi gaon is umeed aur zindagi ke sab se khobsorat lamhaat apni aankhon mein sajaye aaya tha ke jab woh apne aabadi gaon se mulazmat ke gaon Pune wapas jaye ga to is ki shareek hayaat bhi is ke sath hogi lekin zaalimon ney is ki saari umeedon ko mout ki neend ke sath khatam karne ke ilawa is masoom Ladki ke khowaboon par bhi pani nahi balkay khoon phair diya hai jis ney apne aankhon mein sajaye thay.
Tabrez Ansari Jharkhand ke aik dehaat ka rehna wala tha jo Pune mein kasb muaash ke liye sargaram rehta tha lekin dayen bazoo ke ghunda anasir ney is nojawan ko peet peet kar Police ke hawale kardiya jis ki baad mein mout hogayi. Ghunda anasir ney pehlay usay Gaadi chori karne ka ilzaam mein tashadud ka nishana banaya jo zahir hai ke aik bahana hi dikhayi deta hai kyun kay jab hajhoom is ki pataayi kar raha tha tab 1 shakhs usay Jai Shree Ram ke naaray laganey par majaboor kar raha tha. Tabrez Ansari ko barqi ke khambay se bandh kar petta gaya aur saari raat usay mara gaya aur jab Police maqam waardaat par pohanchi to Tabrez ko qareebi dawakhana muntaqil karne ke bajaye usay saari raat salakhon ke peechay be ban kar diya gaya.
Aik janib Muslim Noujawan ke sath ghunda anasir ke zulm o bar bariat ki yeh daastaa’n rahi to doosri janib Police ka kirdaar bhi mashkook raha kyun kay Tabrez Ansari par lagaye janay walay ilzamaat ki baad mein tehqiqaat bhi hosakti theen jabkay pehlay to is be chaaray ko dawakhana muntaqil kiya jata to kam azkam is ki jaan to bach jati. Tabrez ko dawakhana muntaqil nah karne ke ilawa Police maqam waardaat se kisi bhi zalim ko foran hirasat mein nahi liya aur yeh harkat bhi qabil muzammat hai. Tabrez par hindutwa ghundon ki dehshatgardi ka jab Video Social Media par viral huwa to Police bhi kuch harkat mein aayi lekin jab tak bohat der hochuki thi.
Ab agar hindutwa ke ghunda anasir sareaam Musalmanoon ko pakar kar marpeet karte huwe inhen Jai Shree Ram aur Jai Hanuman ke naaray laganay par majaboor karte hain aur hukoomat khamosh tamashaayi bani rehti hai to is se behtar hai ke hukoomat Mulk ko Hindu rashtra honay ka elaan karde. Aakhir kyun do rangi dikhayi jarahi hai aik taraf Wazeer e Azam Narendra Modi apni doosri meyaad ki halaf bardari ke mauqa par Sab Ka Sath, Sab Ka Vikas ke Sath Sab ka Vishwas ka naara lagaya tha lekin un ke bhagat Musalmanoon ko pakar kar pataayi karte huwe inhen Jai Shree Ram Jai Hanuman aur is terha ke deegar naaray laganay par majaboor kar rahay hain.
Aaj un ghunda anasir ki dehshatgardi ka yeh aalam hogaya ke agar koi Muslim Noujawan ya sirf Muslim huliya ka koi bhi shakhs dikhayi day aur agar is ke haath mein koi theli ya bag ho to bas hai un ghunda anasir ko zulm ka khail shuru karne ke liye bahana mil jata hai aur woh shore machane lagtay hain ke dekho Musalman ja raha hai aur is ki theli mein gaaye ka gosht hai. Jo pakaney, khaney ya farokht karne ke liye le ja raha hai aur phir kiya bas is becharay ko maarna peetna shuru kardiya jata hai, bhallay hi is ki theli mein tarkari ya phir saada sa namak hi kiyun nah ho. Hadd to yeh hochuki hai ke Muslim mard o khawateen to darknar masoom bachon ko bhi tashadud ka nishana banayaja raha hai aur inhen Jai Shree Ram ke naaray laganey par majaboor kiya ja raha hai aur yeh 2014 se shidad ke sath hota ja raha hai. Zaroorat is baat ki hai ke hukoomat ke sath khud Muslim tanzeemon ko is tashweesh-naak maslay ke hal ke liye agay aana hoga.