Hyderabad : Telangana ki reyasti kabeena nay Hitec city se Shamshabad ko jaaney walay Metro Rail project ke dosray marhala se mutaliq kaam ko shuru karne ki manzoori day di hai. iska inkishaaf TRS ke car-guzar saddar KT Rama Rao nay kiya.
Unhon nay bataya ke hukoomat shehri ilaaqon ki taraqqi ke liye iqdamaat kar rahi hai. is tarhan ka ek iqdaam metro rail ki sahuliyaat ki farahmi bhi hai. taakay traffic ke masail hal ho saken. unhon nay bataya ke Hitec city se Shamshabad tak 30 kilometer ke faasla par Railway Track outer ring road se guzray ga lehaza niji amlaak ke husool mein koi pareshani nahi hai.
Wazeh rahay ke metro rail project ki mansoobah bandi ke douran falaknuma taa secunderabad track ko bhi shaamil kiya gaya tha lekin abhi tak koi kaam nahi hua hai. awaami numaindon nay 2018 ke intikhabaat ke douran elaan kiya tha ke jald hi puranay shehar mein metro rail project shuru kiya jayega. lekin abhi tak is silsila mein koi pehal nahi ki gayi hai. –YTN STAFF