New Delhi: Hindustani Badminton association ne aindah saal January mein thailand challenge ke liye 8 rukni hindustani team ka elaan kiya jis mein aalmi champion PV sindhu, sabiq number aik Saina nehwal aur top hindustani khilari srikanth ke naam shaamil hain.
Board ne press release ke zareya is ka elaan kiya. thailand ke bangkok mein aindah saal January mein teen Badminton tournament honge. thai land open 12 taa 17 January , toyota thailand open 19 se 24 January aur aalmi tour final ka ineqad 27 taa 31 January tak hoga. Thailand challenge ke liye hindustani team mein sindhu, Nehwal, srikanth aur deegar ke naam shaamil hain.
Coronavirus ke sabab guzashta kuch mahinay se khail sargarmia mutasir honay ke baad mukhtalif tournament ko multavi aur mansookh kiya gaya tha. Shree kaant ke alawa taap hindustani Badminton khiladion ka yeh pehla bain ul aqwami tournament hoga. wazeh rahay ke 2019 world chmpiyn aur 2016 olympic mein silver medal jeetnay wali sindhu ne is saal March mein all England open mein apna aakhri match khela tha jahan unhon ne quarter final mein dakhla haasil kiya tha. Woh thailand open se wapsi karengi.