Vadodra : IPL ki kamyabi ne jahan duniya bhar mein apni maqboliat ke jhande gadhe hain wahein tanazuath aur satta baazi ne usay daagh daar bhi kiya hai aur ab to sabiq coach ki satta baazi mein giraftari ne Hindustani cricket ko mazeed daagh daar kardiya hai .
Gujrat police ne Hindustan ki khatoon cricket team ke sabiq coach Tushar Arothe ko IPL matchon par satta karte hue rangay hathon girftar kiya hai. sabiq coach Tushar arothe vadodra ke Nami Al-kapooricafe mein baith kar match par paisa laga rahay they. police ne sabiq coach Tushar Arothe sameit 18 afraad ko IPL par satta khailtay hue pakda hai. Vadodra police ke bamuwajib inhen khabar mili thi Al Kapoori Nami cafe mein baith kar kuch log IPL matchon par satta laga rahay hain, jis ke baad taqreeban 40 afraad ki ek team ne is cafe par chhapa mara. police ko alag alag kamray mein kayi log miley, un mein se ek se pooch tach ki gayi to yeh samnay aaya ki girftar mulzimaan mein se ek team ka sabiq coach Tushar Arothe hain .
Girftar shuda afraad ke qabza se 21 mobile Phones, 14.39 laakh rupiye naqad, 9 gadiyaan aur ek projector zabt karliya hai. yeh afraad Dehli Capitals aur kings eleven Punjab ke darmiyan khailay janay walay muqablay par satta baazi kar rahay they .
Hindustani cricket ke sabiq coach Tushar Arothe haliya dinon mein bhi tanazuath mein rahay hain neez un ka team ki kuch star khiladion ke sath mobayyana ikhtilafat ho gaye they aur inhen –apne ohday se istifa dena pada tha. team ki kayi khiladi tushar ki training ke tareeqay ki mukhalfat kar rahi theen .-YTN STAFF