Hyderabad: Hindostan ke 4 shehron nai Delhi, Mumbai, Hyderabad, Aur Bengaluru ne Smart shehron ki aalmi fehrist mein apni darja bandi mein numaya kami dekhi jabkay is fehrist mein Singapore ko pehla maqam haasil huwa hai. Institute for Management Development ( IMD ) ne Singapore University baraye Technology aur Design ( SUTD ) ke ishtiraaq se 2020 Smart City Index jari kiya hai, Jis mein is baat ki ahem maloomat samnay ayen ke corona bohraan ke douran Technology kis terhan apna kirdaar ada kar rahi hai. 2020 Smart City Index mein Hyderabad ko 85 wen aalmi maqam haasil huwa hai jabkay 2019 mein usay 67 wahn maqam haasil tha isi terhan nai Delhi 86 wen number par pahonch chuka hai jabkay 2019 mein woh 68 wahn maqam par tha.
Alawa azeen Mumbai 93 wen number par hai jabkay yeh 2019 mein yeh 78 wahn maqam par tha. Bengaluru 95 wen maqam par pahonch chuka hai jabkay yeh 2019 mein 79 wen maqam par tha. Is report mein kaha gaya hai Hindostan ke shehron nai Delhi, Mumbai, Hyderabad, Bengaluru mein is saal numaya kami aayi hai. Is report se is maloom huwa hai ke wabai amraaz ne shehron ki tarz zindagi ko nuqsaan pohanchaya hai jabkay un shehron mein Technology ki taraqqi jadeed nahi hai. Is mein mazeed kaha gaya hai ke Hindustani shehar wabai marz mein ziyada nuqsaan utha chuke hain kyunkay woh is bohraan ke liye tayyar nahi thay. Survey mein 15 zumron ke tehat sawalaat kiye gaye thay jis mein jawab dahindgaan apne shehar ke liye tarjeehi anasir ko muntakhib kiya jis mein shehrion ne charon shehron mein fazai aloodgi ko ek aisay ahem maslay ke tor par ujagar kiya jo woh apne shehar mein tarjeehi masla mantay hain aur is ko hal ki zaroorat mehsoos karte hain.
Is Report mein kaha gaya hai ke Bengaluru aur Mumbai jaisay shehron mein traffic ka masla fazai aloodgi ke qareeb tareen masla raha jabkay Delhi aur Hyderabad ke liye yeh bunyadi sahuliyaat ke tor par nishandahi ki gayi Singapore 2020 Smart City Index ( SCI ) mein sare fehrist raha is ke baad Helsinki aur Zurich bal tarteeb dosray aur teesray number par rahay. Top 10 ki fehrist mein shaamil deegar shehron mein Auckland ( 4th ), Oslo ( 5th ), Copenhagen ( 6th ), Geneva ( 7th ), Taipei City ( 8th ), Amsterdam ( 9th ) aur New York daswaan number par hain.