Melbourne: Australia team jumaraat ko Hindustan ke khilaaf mehdood Over ski series ke liye apne T20 aur ODI Squads ka elaan kardiya hai jis mein nojawan All Rounder Cameron Green ko shaamil kiya jabkay Big Bash League mein apne karnamon ke baad Moises Henriques 3 saal baad team mein wapas aaye hain. Hindustani team dora Australia mein test series se qabal maizban team ke khilaaf 3 ODI ( 27 November, 29 December, 2 December ) aur 3 T20 ( 4 December, 6, 8 ) khailage.
Australia team ke Selector Trevor Hohns ne team ke elaan ke sath muntakhib khiladion ke mutaliq izhaar khayaal kiya hai aur kaha ke Cameron Green ki Domestic form shandaar rahi hai aur unhoun ne is mausam garma mein maghribi Australia ke liye kamyabi haasil ki hai. Mustaqbil ke mumkina khiladi ki hesiyat se yeh un ke liye team ka hissa ban’nay aur apne tajarbay ko ustuwar karne ka mauqa hai. Cricket Australia ke hawalay se kaha gaya hai ke Australia ne apne mehdood over squad ka intikhab karte hue All Rounders ki batting par tawajah di hai.
Haal hi mein Australia sabiq Captain Greg Chappell ne kaha tha ke Green ek sanjeeda salahiyat hai jo Ricky Ponting ke baad se ab dekha hai. Alawa azeen Henriques ne guzashta mausam garma mein Sydney Sixers ko KFC Big Bash mein pohanchaya tha jis ki Stricke ki sharah 150 se kuch kam hai. Moises bohat ziyada tajurbah rakhnay wala zabardast cricketer hai aur woh guzashta mausam garma mein Sixers ko BBL khitaab dilwanay mein un ki karkardagi intehai mutasir kin thi aur unhoun ne is season ke aaghaz mein acha khail khela hai.