Hyderabad: Army recruitment office Secunderabad ke tehat riyasat ke 33 azlaa se Hindustani fouj mein umeedwaron ke Taqarurat ke liye 5 se 24 March tak Telangana sports school, Hakeempet mein bharti rally ka ineqad kiya jaraha hai.
Indrajaat mukhtalif zamron ke liye hongi jin mein soldier technical, soldier technical ( aviation / ammunition ), soldier nursing assistant / soldier nursing assistant veterinary, soldier clerk / store keeper technical, soldier general duty aur soldier tradesman shaamil hain.
Bharti rally ke liye indraaj 19 January se 17 feb tak hai aur sirf online darkhwast dainay walay umeed waar is mein shirkat ke ahal honge hain. dakhla card 18 feb ke baad online jari kiye jayenge aur rally site par reporting ki tareekh admit card par di jaye gi aur darkhwast dahinda www.joinindianarmy.nic.in se admit card ka print out lesakta hai.
Ek jagah par badey ijitmaat se bachney ke liye umeedwaron ko hidaayat di jayegi ke woh markazi maqam ke qareebi ilaqay mein char mukhtalif marakaz par har roz 500 ke ke darmiyan afraad rujoo hon. Ek press release mein kaha gaya hai ke raally mein shirkat ke liye umeedwaron ko raally token report centron par jari kya jaye ga.
Dakhla card jari karne ke baad report marakaz ki tafseelaat Website par alehda tor par up load ki jayengi aur umeed waar apne mutaliqa marakaz ki tafseelaat army recruitment office, Secunderabad se ya telephone number 27740059 aur 27740205 par maloom kar saktay hain. Bharti ka amal mukammal tor par khud car, munsifana aur shafaaf hai aur umeedwaron ko mulazmat ke naam par dhoka dainay walay idaron se khabar daar rehna hoga.