Sydney: Sydney aur Canberra aglay mah se shuru honay walay hindustani cricket team ke dora Australia ke douran hindostan ki mehdood over series ki maizbani ke liye mumkina maqamat ke tor par ubhar rahay hain kyunkay Hindustani team ibtidayi tor par Brisbane mein utrney wali thi lekin bazahir Queensland ke reyasti sehat ke hukkaam 14 din ke Quarantine ki muddat ke douran maheman team ko train karne ki ijazat nahi den ge.
Cricinfo ki ek report ke mutabiq Sydney hindustani team ki dakhli bandargaah ke tor par ubhar sakta hai aur yeh shehar inhen apne Quarantine ke douran tarbiyat dainay ki ijazat day sakta hai. Maloom huwa hai ke Sydney 3 T20 aur 3 ODI muqablon mein se 4 ki maizbani karsaktha hai jabkay Canberra ki Manuka Oval 2 muqablon ki maizbani karsaktha hai. New South Wales ki riyasat khail ke wazeer Stuart Iris ne tasdeeq ki ke inhen cricket Australia ki janib se hindustani team ke sath Australia team ko bhi laazmi Quarantine ke sath training ki bhi ijazat dainay ki darkhwast masool hui hai.
Iris ne Cricket Website ke hawalay se kaha hai ke Cricket Australia ne Sydney mein Australia Cricketers ku hindustani cricket team ke Quarantine aur watan wapsi ke baray mein New South Wales hukoomat se rujoo kiya hai. Is tajweez ka filhaal sehat aur police samait NSW hukkaam ki jaanch padtaal ki jarahi hai. Hindustani doray ke liye schedule ka taayun Cricket Australia kere ga aur yeh Quarantine tajweez ke hamaray jaizay ko mutasir nahi kere ga. Agar CA aur NSW reyasti hukoomat kisi muahiday tak pounchanay mein kamyaab hoti hai to is ke baad Cricket Australia ki janib se manzoori ke liye ek nazar sani shuda mansoobah pesh kiya jaye ga.