Sydney: Hindustani Cricket Team ki Captain Harmanpreet Kaur jinhein 2017 main World Cup khitaab ke qareeb poanch kar Trophy gunwanay ki mayoosi hanoz satati hai lekin unhoun ne is umeed ka izhaar kiya hai ke is martaba wo Twenty 20 World Cup ka khitaab haasil karne ke liye pur azm hai. Hindustani Cricket Team jisay ICC One Day World Cup mein England ke khilaaf khetabi muqaabla mein qareebi shikast bardasht karni pari thi jaissa ke usay nishana ke taqub mein 9 Runs ki shikast bardasht karni padi thi lekin is martaba Harmanpreet Kaur ne kaha ke guzashta 3 barsoun ke douran team ne bohat tajurbah haasil kiya hai aur Team din ba din behtar se behtareen ki simt gamzan hai.
Hindustani Team ko tajurbahkar aur Legend khiladioun mein sabiq Captain Mithali Raj aur Fast bowler Jhulan Goswami ki khidmaat dastyab nahi hain. Mithali Raj guzashta baras Twenty 20 Cricket se subukdosh hochuki hain jabkay Goswami 2018 ke Addition ke baad tamam tarz ki cricket se subukdosh ho chukay hain. Is martaba Australia mein World Cup mein shirkat kar rahi Hindustani team kaafi nowjawan hai aur team ki ost omar 22.8 saal hai. Tajurbahkar khiladioun par ezharekhyal karte huve team ki nojawan Captain Harmanpreet ne kaha ke tajurbahkar khiladioun ki khidmaat hamein dastyab nahi hai lekin hum ne un ke sath jo Cricket khelii hai is ka tajurbah sath leker Tournament mein khitaab ke husool ke liye koshan hain.
Hindustani Team World Cup mein apna pehla muqaabla difai Champion Australia ke khilaaf Adelaide mein 21 February ko khailay gi aur ye muqaabla dilchasp takrao honay ki tawaqqa hai. Captain Harmanpreet ne mazeed kaha ke guzashta 2 barsoun ke douran Team ne kayi ek nasheeb o frazz ke muqablay khailay hain jis se haasil honay wala tajurbah ab sood mand hoga. –YTN STAFF