Riyadh: Saudi Arabia ke wazeer-e-tijarat wo sarmayakaari Majid bin abdullah al qasabi ne kaha hai ke Hindustan Saudi arab ka ek intahi ahem tijarti saathi hai aur dono mulkoun ke mabain strategic partnership council moahida par dastakhat hojane ke baad ab taluqaat mein mazeed izafah hoga.
Yahan jari 3 roza future investment initiative ( FII) conference ke ekhtataam se qabal hindustani media ke sath baat cheet karte hue Saudi wazeer ne kaha ke Saudi arab Hindustan ko tail ki sarbarahi ka sab se ahem mulk hai aur council ke qiyam ke baad dono mulk mukhtalif shobo mein mazeed taawun kar sakenge. unhon ne ke Hindustan mashriqi asia wasti asia aur Saudi arab ke liye ek bada platform ban sakta hai.
Khayaal rahay ke Hindustan duniya mein tail istemaal karne wala teesra sab se bada mulk hai aur tel ki apni zaroorat poora karne ke liye Iraq ke baad sab se ziyada tel Saudi arab se hi daraamad hai. Saudi arab ne maali saal 2018-19 mein Hindustan ko 40.33 million tan tail farokht kya tha. Hindustan Saudi arab se har mah taqreeban do laakh tan LPG gas bhi daraamad karta hai.
Saudi wazeeer ne kaha dono mulkon ki 70 feesad abadi ki Umar 40 baras umar group se neechay ki hai aur is Umar group ke afraad ko technology se kaafi dilchaspi hai. chunkay Hindustan ko fazaiya, tknaloji entrepreunuship, small aur medium enterprises mein Sabqat aur mahaarat haasil hai is liye yeh dono mulkon ke liye faida ka soda hai.
Ye baat qabil-e-zikar hai ke Saudi arab ne guzashta mah kaha ke woh Hindustan mein tawanai, rifaynri, infrastructure, zaraat, ke shobo mein 100 arab dollars ki sarmaya kaari karna chahta hai. is silsilay mein ek sawal ka jawab dete hue unhoun ne kaha ke hum Hindustan mein khangi shobo ke sath mil kar ek refinery qaim karne par ghor karrahe hain. balkay hum ne is silsilay mein pesh Raft bhi ki hai jaissa ke Wazeer-e-Azam Narendra modi bhi keh chuke hai. unhon ne Maharashtra mein mujawaza raigar refinery ka hawala dete hue kaha yeh bohat badi sarmaya kaari hai. is refinery ke qiyam mein 60 arab dollars ki sarmaya kaari ki jaye. Hindustan mein kaafi mawaqay hai aur is ki wajah se yeh sarmaya kaari ki jarahi hai.
Hindustan mein sarmaya kaari ke mutaliq ek deegar sawal ka jawab dete hue Saudi wazeer ne kaha ke Aramco Hindustan mein sarmaya kaari karne wali Saudi arab ki sab se badi company hai. unhon ne kaha ke Saudi arab technology, pharmacuetuical , zaraat aur sayahat jaisay shobo mein apne muaqqaf ko behtar banane ke liye hindustani salahiyat ka istemaal kar saktha hai. khayaal rahay ke pichlle chand barson ke douran dono mumalik ke bahami taluqaat mein kaafi taizi aayi hai. 2017-18 mein Saudi arab ke sath Hindustan ki bahami tijarat 27.48 billion dollars thi jiski wajah se Saudi arab Hindustan ka choutha sab se bada tijarti saathi ban gaya hai. –YTN STAFF