New Delhi : Congress kiuaboori sadar Sonia gandhi ney jumeraat ko kaha ke jamhoori Hindustan mein taasub aur Adam bardasht, ,tawaham parasti, firqa wariyat, junooniat, nasal parasti, Adam rawadari ya na-insafi ke liye koi jagah nahi hai, phir bhi lakhoun afraad ko har roz taasub ka samna karna padta hai.
73th yom-e-azaadi par mubarakbaad dete hue Sonia gandhi ne ek bayan mein kaha ”Hindustan har maidan mein tezi se agay badh raha hai, lekin hamari asal hesiyat, sachaai, Adam tashadud, hamdardi aur mazboot Muhib waatniyat, bunyadi usool hain.
Sonia gandhi ney mazeed kaha ke ”hamein ba-hasiat qoum apni azaadi ko sahih maino mein farogh dainay ke liye har na insafi, Adam bardasht aur imtiazi sulooq ke khilaaf datay rehna chahiye.
Congress ki uboori sadar ney party head quarter mein qaumi parcham lehraya. unke Humra sabiq saddar Rahul gandhi, sabiq wazeer-e-aazam Manmohan Singh aur deegar senior qaideen moujood they.
Sonia gandhi ney apne bayan mein, malik ke shehrion ko zor day kar kaha ke’ woh azaadi, bhai-charah, aman aur masawaat ke eqdaar ke tahaffuz ki paasdari karen. aur kaha ke ”hamari azaadi un logon ki laa-zawaal qurbaniyoun ka nateeja hai jo aaj Hindustan hai. hamein Hindustan ki salamat ke tahaffuz ke liye apni musallah afwaj ki azeem qurbani ko nahi bhoolna chahiye.
Congress sarbarah ney kisanoun, mazdooroun, karigroun, science daano, taajiroun, asateza, fankaroun, musanifeen aur mufakreen ko bhi kharaaj tehseen paish kiya, jo qoum ki taamer mein ahem kirdaar ada karte hain. nojawanon ka tazkara karte hue, unhon ney kaha ”qoum wo muashray ki taamer un nojawanon ke haath mein hai. –YTN STAFF