Thursday, February 22, 2024
HomeIndiaHindustan mein sehat yabi ki sharah barh kar 97.45 feesad hogayi

Hindustan mein sehat yabi ki sharah barh kar 97.45 feesad hogayi

Hindustan mein beshtar ilaqon mein corona ka bohraan apna zor thodraha hai aur guzashta 24 ghanton ke douran mulk mein corona virus ke 38353 naye muamlay samnay aaye hain aur is douran sehat yab honay walon ki teddatziyada rehne se shifayabi sherab barh kar 97.45 feesad hogayi hai. Mulk mein 41 laakh 38 hazaar 646 afraad ko corona ke teekay lagaye gaye aur ab tak 51 crore 90 laakh 80 hazaar 524 afraad ko vaccine di ja chuki hai.

Markazi wizarat sehat ki janib se subah jari kardah adaad o shumaar ke mutabiq guzashta 24 ghanton mein corona ke 38353 naye muamlay samnay aa ne ke sath hi mutasireen adado shumar badh kr teen crore 20 laakh 36 hazaar 511 hogaye hain. is douran 40 hazaar 13 mareezon ki sehat yabi ke baad is waba ko shikast dainay walay afraad ki jumla tadaad teen crore 12 laakh 20 hazaar 981 ho gayi hai. fa-aal mareez 2157 kam ho kar teen laakh 86 hazaar 351 reh gaye hain. Isi arsay mein 497 mareezon ki mout honay se amwaat ki tadaad barh kar chaar laakh 29 hazaar 179 hogayi hai.

Mulk mein fa-aal mareezon ki sharah kam ho kar 1. 21 feesad, sehat yabi ki sharah barh kar 97.45 feesad aur sharah amwaat 1. 34 feesad hai. Maharashtra mein guzashta 24 ghanton ke douran fa-aal mamlaat 2248 kam hokar 69565 ho gaye hain. isi douran riyasat mein 7720 mareezon ki sehat yabi ke baad corona se sehat mand logon ki tadaad barh kar 6159676 hogayi hai, jabkay 137 mareezon ki mout ke baais amwaat adado shumar badh kr 134201 hogayi hai.

Hindustan ki doosri mutasirah riyasat kerala mein is douran fa-aal mareezon mein naye 2474 izafah ke baad yeh tadaad barh kar 172505 ho gayi hai aur 18493 mareezon ke sehat yab honay se corona ko shikast dainay walay afraad ki tadaad barh kar 3396184 ho gayi hai, jabkay 152 mareezon ki mout ke baais amwaat ki tadaad 18004 ho gayi hai.