New Delhi: In it-tila-aat ke pas manzar mein ke Cheeni fouj Gulwan waadi ke hindustani ilaqay mein phir dar aayi hai aur bohat baday pemanay par khaima zani mein masroof hai. Mahireen ney mashwara diya hai ke Hindustan ko hamesha China ke talluq se naye suray se ghhor karna chahiye aur is par nazar sani karte rehna chahiye.
Mahireen ke ye mushahdat China ke talluq se hindustani hukoomat ke mashkook rehne aur China ki taraf maienay khaiz andaaz mein fouji qadam peechay hataane se mutaliq aala sathi hindustani intizamia ke kisi bharam mein nah ek din baad samnay aaye hain. Mahireen ne kaha hai ke bohat taweel arsay se Hindustan China ke jarehana sulooq ko nazar andaz karta aaya hai, Khuwa wo Taiwan, Vitnam, Japan ke khilaaf ho ya khud is ke khilaaf, Lekin mulk ko ab aur balkay aindah kabhi is ghalti ko nahi duhrana chahiye.
Masnoi sayarah ki tasaveer aur zameeni it-tila-aat ke mutabiq, Cheeni fouji Gulwan mein 15 June ke khooni tassadum mein hindustani fojion ke zareya tabah ki janay wali mashahidati chokion ki jagah musallah tor par morcha band ho gaye hain aur Gulwan mein wo khaima zan bhi ho gaye hain. China ne phir daawa kiya ke waadi Gulwan China ka hai aur un fouji jhadpoun ke liye is ne hindustani fojion ko hi moorad ilzaam thehraya jis ke nateejay mein dono atraaf ka jani nuqsaan huwa.