Sydney: Canberra mein pehla T20 muqablay mein shandaar kamyabi haasil karne wali hindustani team itwaar ko australia ke khilaaf dosray match mein series par qabza karne ke mazboot iraday ke sath uteri. Hindostan ne mojooda australiyai doray mein sydney mein khailay gaye pehlay do ODI matchon mein shikast khayi thi aur usay sydney ground mein shikast ki hatrick ka saamna karna pada tha. Hindustan 2018-19 ke doray mein sydney mein khela gaya ODI match ganwaya tha lekin canberra ke Oval ground mein virat kohli ki team ne maizban Australia ko lagataar 2 matchon mein shikast ka maza chakkha ya hai.
Canberra mein pehli martaba Australia ko shikast ka saamna karna pada. Hindustan ne ODI series ka teesra match canberra mein 13 runs se jeeta aur series mein apni izzat bachaai. hindustani team ne pehla T20 match 11 runs se jeeta tha. Is muqablay mein Hindustan ne 161 runs bananay ke baad Australia ka challenge 150 par rok diya.
hindustani team ab T20 series ke baqiya do match khailnay ke liye sydney wapas chali gayi hai jahan is ka record ziyada mutasir kin nahi hai.
Hindustan ko T20 series jeetnay ke liye sydney ka ta-attul todna hoga. 3 matchon ki T20 series dono mumalik ke darmiyan guzishta dora mein 1-1 se barabar rahi thi. taham Hindustan ko dosray match se pehlay hi ek dhaka laga kyunkay form mein mojood all rounder ravinder jadeja sir mein chout aur azlaat mein jakran ki wajah se baqi series se bahar hogaye hain.
Jadeja ne pehlay match mein nat out 44 runs banaye thay aur Hindustan ko 161 runs ke challenging score tak pohanchaya tha. Jadeja ko inning ke aakhri over mein starc ki gaind helmat par lagi thi. Jadeja ne ining mukammal ki lekin woh Australia ki inning mein fielding ke liye nahi utre. Hindustan ne conection substitute ke tor par leg spiner chehal ko shaamil kya jinhon ne 25 runs par teen wicket haasil karkay Hindustan ko jeet dilanay mein ahem rule ada kya. Jadeja ke bahar honay ke baad fast bowler shardul Thakur ko unki jagah team mein shaamil kiya gaya hai. Thakur ne canberra mein aakhri ODI mein teen wickten haasil ki theen.
Hindustani team ko apni batting mein behtari lani hogi kyunkay pehlay T20 match mein KL Rahul aur jadedja ke alawa koi bhi badi ining khailnay mein nakaam raha tha. Rahul ne 51 runs ki shandaar inning kheli thi aur ek baar phir isi tarhan ki inning khailnay ki zimmedaari un par hogi.