Melbourne: Hindustan ke khilaaf aaindah 4 test matchon ki series ke liye australiyai team ka elaan kardiya gaya hai jis mein kayi ek ghair Maroof khiladion ko shaamil kiya gaya hai jin mein ek naam Mitchell swepson ka hai jo kay mujawaza series mein aalmi miaar ke batsmanon ke khilaaf bowling ko apne liye ek sakht imthehaan qarar day rahay hain.
Uniform mein league spinner Mitchell Swepson ne is zimn mein kaha hai ke woh captain virat kohli ki qayadat mein Hindustan ki aalmi satah ke batting unit ke khilaaf apni salahiyaton ko jhanchne ke liye be sabri se intzaar kar rahay hain.
Hindustan ke khilaaf do warm up games ke liye australiyai A team mein shaamil swepson ko ab kohli aur company ko bowling ka mauqa milnay ki umeed hai. aap –apne aap ko behtareen ke batsmanon ke khilaaf challenge karna chahtay hain aur yeh koi raaz nahi hai ke woh ( kohli ) behtareen team ko sath lekar aaye hain. swepson ne apne interview mein kaha hai ke mere liye yeh ek aur bada challenge hai aur ek cheez jo mujhe ek bohat bada cricketer ke khilaaf apne aap ko azmaane ke qabil honay ki wajah se pur josh karti hai. unki poori batting line up aalmi satah ki hai. lehaza naye bowlron ke paas bowling karne ka koi bhi mauqa khud ke liye ek imthehaan hai aur ek challenge jiske liye mein intzaar nahi karsaka tha. Swepson ne rawan season mein 21.17 ki osat se teen marsh sheifald Sheild matchon mein 23 wickten haasil kee lekin unhon ne kaha hai ke woh abhi tak khud ko australiyai team mein shamoliat ki davidari paish nahi kar rahay hain kyunkay woh jantay hain ke tajurbah car Nithon lyon team ka pehla intikhab honge.
Woh ( lyon ) test matchon mein baar baar apne aap ko saabit kar chukay hain lehaza mein khud ko wahan nahi dekhta hon. 27 sala spiner ne mazeed kaha hai ke lekin agar halaat munasib hon to unhein do spiner khailnay ka mauqa mil sakta hai. agar mauqa aata hai to mein umeed karta hon ke mauqa ko dono hathon se samaitt longa. mujhe yaqeen hai ke mustaqbil mein iske aur bhi imkanaat honge.
Yaad rahay ke hindustani team dora Australia par 3 ODI, 3 T20 aur chaar test matchon ki series khailaygi jiska aaghaz 27 November ko T20 muqablay se hoga. test series 17 decemeber se adealide mein day night khail se shuru hogi.