Melbourne: Broadcaster channel 7 ke sath Broadcaster Fees ke silsilay mein jari tanaza ke bawajood Cricket Australia ( CA ) ne rawan saal ke aakhir mein Hindustan ke sath home series ke liye mumkina schedule ka elaan kardiya hai. ESPNcricinfo ki report mein kaha gaya hai ke channel 7 ke maalik seven West Media ne Australia Chamber baray bain ul aqwami aur tijarti mawaqay ke samnay dair ek muqadma mein series ki munasib qeemat ka taayun karne ki koshish ki.
Asal schedule ke mutabiq Hindustan ko Australia doray ka aaghaz October mein T20 world cup se karna tha. Is ke baad woh 3 December se test series aur phir January 2021 ke darmiyan One day Series khelna tha, Taham BCCI ke dabao ke baad CA ne schedule mein tabdeelian kee aur ab woh November ke aakhir mein Hindustan ke Australia ki ek mehdood over series ke sath aaghaz karen ge. Mehdood Overs ki series ke baad test Series ka aaghaz 17 December se hoga. CA ko apna schedule tabdeel karna pada hai aur Brisbane mein One Day matches ke liye 25 se 30 November, Adelaide mein T20 ke liye 4 se 10 December ki tawareekh rakhi hain.
Is ke baad Adelaide mein test series ka aaghaz 17 December ko day night test match ke sath honay ka imkaan hai. Is ke sath hi dosra test Melbourne mein 26 se 30 December tak khela jaye ga jo Boxing Day test hoga. Is ke ilawa teesra test aglay saal 7 se 11 January tak Sydney mein aur choutha aur aakhri test match 15 se 19 January tak Brisbane mein khela jaye ga.