Sydney: Australia mein rawan T20 World Cup mein Semi final ki saf bandi mukammal hochuki hai aur ab is terhan Hindustani Team Semi Final mein England ka saamna kere gi jo kay 2018 ke muqaabla ka iada hoga. Aaj yahan Women’s World Cup ke jo muqablay khailay jaanay they wo barish se mutasir huve jis mein Pakistan ka Thailand aur janoobi Africa ka West Indies se muqaabla hona tha. Jo muqablay barish se mutasir huve is mein Pakistan aur Thailand ka muqaabla khair ahem tha kyunkay dono hi Teams Semi Final ki daud se baher hochuki then jabkay West Indies aur janoobi Africa ka muqaabla ahmiyat ka haamil tha jis se Teams ki darjah bandi aur nishanaat ka faisla huva.
Janoobi Africa aur West Indies ke darmain muqaabla ke 2 nishanaat taqseem hogaye jis ke baad England ko Group mein teesra maqam haasil huva jis ki wajah se wo sere fehrist Hindustani Team se Semi Final ki hareef saabit huvi aur ye 2018 ke World ka aada hoga. Hindustan jumeraat ko England ke khilaaf Semi Final khailay ga aur is muqaabla mein Hindustani Team ki ye koshish rahay gi ke wo 2018 ki shikast ka hisaab barabar kere. 2018 mai England ne Semi Final mein Hindustan ko shikast day kar Final mein rasai haasil ki thi jahan usay Australia se shikast huvi thi aur ab dosra Semi Final Australia aur janoobi Africa ke darmain khela jaye ga.
Australia Cricket Team ke sabiq Fast Bowler Brett Lee ne Hindustani Team ki rawan World Cup mein Final mein rasai ke imkanaat ko wazeh qarar diya hai aur kaha hai ke 16 sala khiladi Shafali Verma ne jis terhan muzahiray kiye hain wo qabil sataish hain. Opener ke ilawa tajurbahkar League Spinner Punam Yadav ne bhi hindustani Team ki Final mein rasai ke imkanaat badha diye hain. Group marhala mein Hindustani Team na qabil taskheer rahi aur Harmanpreet Kaur ki qayadat mein Hindustani Team ab phir ek martaba Semi Final khail rahi hai. Is zimn mein izharkhyal karte huve Brett Lee ne kaha ke Hindustani Team kabhi bhi Final mein rasai haasil nahi ki lekin is martaba Hindustani Team ek mukhtalif shakal mein mojood hain jis ke paas Shafali Verma, Punam Yadav ke ilawa Captain Harmanpreet Kaur ke ilawa kayi aisay khiladi mojood hain jo team ko tanha kamyabi dilwa satke hain. –YTN STAFF