Jaipur: Mayank Pratap Singh, Hindustan ke sab se kam umar Judge hain, jinhoun ne 21 saal ki umar may Rajesthan may jodiciary Services imthehaan may Crack kar ke tareekh raqam ki hai. isse herat ki baat ye hai ke wo na hi kisi Coaching Classe ke liye gaya aur na hi is ne kabhi Facebook ya Whatsapp istemaal kiya. Mayank ne kaha ke mai baqaedagi se 6 se 7 ghantay mutala karta hon, aur kayi bartu may ne padhai ke auqaat ko 12 ghantoun tak badha diya hai“.
Mayank ne Law College may 5 sala taleem mukammal karne ke baad Rajisthan Judiciary Service imthehaan may Top kiya. wo apni kamyabi ka Credit apne mutalea ko, aur apni taleem ko deta hai”. Mayank ka kehna hai ke meri zindagi may kabhi Facebook Account nahi banaya tha. dar haqeeqat, may apne imthehaan ke douran dosray tamam Social Media Accounts kar ghair fa-aal kar diya tha. may ne Internet ko sirf qanooni Update haasil karne, Supreme Court ya High Court ke kuch dilchasp ya ahem faisloun par nazar rakhnay ke liye istemaal kiya“.
Mayank ne kaha mere bohat se dostoun ne Social Media se ghair haazir rehne aur Whatapp aur Facebook ka istemaal na karne par mera mazaaq Udaya karte te. taham, waqt guzarnay ke sath inhen is aadat ho gayi, aur mazaq udana chore diya. Mayank ka kehna hai ke wo apne maqsad par bohat tavajja markas karte hain aur isi wajah se wo masharti ijitmaat se daur rahay, unkay mutabiq unhoun ne sirf un taqrebaat may shirkat ki jo unke liye ahem the.
Adliya ke intikhab se mutaliq ek sawal ke jawab may, unhoun ne kaha mai ne logoun ko Adlaiya par aetmaad karte dekha hai. loog idhar idhar bhaag rahay hain aur insaaf maang rahay hain aur isi wajah se may is Career ka intikhab kar raha hon“.
Mayank ke waalid Raj Kumar Singh, Government School may Principal they aur unki walida ek sarkari School may Teacher hain. unke waalid ka kehna hai ke Mayank bachpan se hi mehnat kar rahay hain aur hamesha School may Topper rahay hain.
Mayank ki is kamyabi se un nojawanoun aur khaskar talba ko sabaq seekhna chahiye, jo apna ziyada tar waqt padhai ke bajaye Facebook, Whatsapp ya deegar Social Media ke istemaal ke liye guzarte hain. –YTN STAFF