New Delhi: Duniya is waqt Hindustan ke takreeban har gooshay aur tang galiyoun mein aur waqar aur izzat e nafs ke liye ek be misaal tehreek dekhnay ka mushahida kar rahi hai aur ye haqeeqi maino mein awam ki tehreek hai. Badi halchal se chalne wali is azeem jad-o-jehad ki sab se buland aawazian un logoun ki hain jo umomi tor par muashray apni hi zindagi mein magan rehne walay afraad hotay hain. Khawateen aur nojawan nah sirf is tehreek ke ahem chehray hain balkay wo awam ke jazbay aur ehsasat ko ek roshan aur behtar mustakbil ki taraf gamzan kar chukay hain.
Ye sab Decemeber 2019 ke pehlay haftay mein shuru honay wali tehreek hai. Qoum parast jamaat Bhartia Janta Party ( BJP ) ki hukoomat ne Hindustan ke shehriat ke qawaneen mein ek tarmeem manzoor ki jis ne shehrioun ko hindustani shehriat ka haq dainay ke liye ek mutanazia qanoon manzoor kiya jis ke tehat Pakistan, Bangladesh, Aur Afghanistan ke musalmanoun ke ilawa tamam mazhab se talluq rakhnay walay afraad ko shehriat di jaye gi. Tarmeem kardah is qanoon mein kaha gaya hai ke Decemeber 2014 se qabal jo Hindustan mein daakhil hue they wo is shehriat haasil karne ke ahal honge.
Ye pehla mauqa hai jab azad Hindustan mein mazhab ko shehriat ke husool ke liye miyaar ke tor par istemaal kiya gaya ho. BJP ka ye faisla ayeen hind ke Article 14 ke khilaaf warzi hai kyunkay is Article 14 mein saaf tor par kaha gaya hai ke riyasat kisi bhi shakhs ko qanoon ke tehat masawaat ya Hindustan ke kisi bhi ilaqay mein qanoon ke lehaaz se masawi tahaffuz se inkaar nahi kere gi. Parliament ne 11 Decemeber ko ye qanoon manzoor kiya gaya jis ke baad isi din Hindustan ki maroof Jamia Delhi University, Jamia Millia Islamia ke chand talba ne is qanoon ke khilaaf Camps mein pur aman ehtijaj kiya. Aglay din tadaad mein izafah huva aur 15 decemeber ko dosray schooloun aur College ke talba bhi ehtijaj shuru huve.
Wizarat dakhla ki hidayat ke tehat Delhi police ne bulaa ijazat Campus mein daakhil hui aur library, Masjid Classe Rooms mein talba ku be dardi se mara petta. Police ne mutadid talba ku giraftar kiya aur mutadid ko zakhmi kardiya. Isi raat Jawaharlal Nehru University ( JNU ) aur Delhi University ( DU ) ke talba ne police ke zulm ke khilaaf karwai ka mutalba karne ke liye Delhi police head quarter mein jama honay ka mutalba kiya. Police ne tamam giraftar talba ko reha kardiya lekin is ke baad jo huva wo ghair mutawaqqa tha. Delhi police ke zulm ke khilaaf Jamia aur Delhi University ke baad deegar Universities uth gayen aur CAA ko mustard kardiya. Aglay hi din Shaheen Bagh ki chand khawateen police ki zayad-ti ke maqam par gayen aur reyasti tashadud ke khilaaf ehtijaj karte hue khamoshi ikhtiyar kar ke khadi hogai. Aglay din aur bhi khawateen sadkoun par nikal ayen aur phir wo Shaheen Bagh ki taraf rawana hogaye jo ab Hindustan ki tareekh mein khawateen ki taraf se taweel tareen ijtimai ehtijaj ban gaya hai.
Ehtijaj mein lakhoun afraad shareek hain. Lakhoun mazeed Hindustan ke mukhtalif hissoun mein isi terhan ke dharnoun ka ihtimaam kar rahay hain. Kam az kam 100 shehroun mein khawateen, Bachon aur mardoun ke zareya haftay ke 7 din aur din ke 24 ghantoun ke dharnay par baithakar dena ko ye ek naya pegham diya hai. Dharnay mein hissa lainay waloun mein bodha aur jawan, Sahet mand aur jismani tor par mazoor, Amiro ghareeb har koi mojood hai jo Hindustan ke ittehaad ki ek behtareen misaal hai. Is tehreek ne Hindustan ke fankaroun, Adeeboun, Kaarkunoun, Aur danishwaron ko mutasir kiya jo hazaroun ki tadaad mein un khawateen ko kharaaj tehseen pesh karne aeye rahay hain ye woi khawateen hain jo haliya dinoun tak apne gharoun ki chaar deewari mein gharelo zimma dariyan nibha rahi then. Shaheen Bagh mulk ke har izzat e nafs fard aur har azadi ke mutlashi ke liye ziyarat gaah ban gaya. Hindu qoum parastoun ne is tehreek ko badnaam karne ki har napak koshish ki hai. Is ke bawajood khawateen ne CAA ke khilaaf ehtijaj jari rakhnay aur qaumi shehriat Register aur qaumi abadi ke register ke naam se jaane wali shehriat ki registary shuru karne ki koshisho ke khilaaf apne azam zahir kiya.
Doosri janib Hindustan ke wazeer e azam Narendra Modi shehriat qanoon ke baare mein jhoot boltay rehtay hain. Un ke wazeer e dakhla Amit Shah ne Hindustan ki parliament mein shehriat ke is qanoon ke baare mein wazahat karte hue kaha ke pehlay wo CAA phir NRC muta-arif karwaenge. Lekin wazeer e azam ne apni awaami takreer mein jis ko saari duniya mein suna is mein NRC muta-arif karwane ke kisi iraday ki tardeed ki. Unhoun ne yahan tak kaha ke un ki hukoomat ne apne iqtidaar ke aakhri saal mein kabhi bhi NCR ka lafz istemaal nahi kiya. Unhoun ne kisi bhi baday herasati marakaz ke wujood se bhi inkaar kiya halaank un ki hukoomat ne un ki mojoodgi ka aitraaf kiya aur herasati marakaz ke wazeh saboot khud media ne faraham kiye hain. CAA ya NRC ke khilaaf awam ki tehreek ghair munsifana qanoon ke baare mein nahi hai. Is ke bajaye, Ye ek aisi siyasi saqafat ke baare mein hai jis ka hind guzashta 6 saal se gawah hai jab se hindu qoum parast iqtidaar mein aaye hain. Ye ek aisi saqafat hai jo nafrat, Mazhab, Zaat, Tabqay aur zabaan par mabni takseem ko farogh deti hai.
Ye ek aisi saqafat hai jo mulk ke secular kirdaar ko tabdeel karne aur ayeen ko tabdeel karne ke liye qanoon aur nifaz karne wali Agency ka istemaal karti hai. Ye ek aisi saqafat hai jo tashadud ki tareef karti hai aur Hindustan ki azaadi ke maimaar Gandhi jee ke qaatil ka ehteram karti hai. Ye ek aisi saqafat hai jo aqlitoun, Khawateen aur nichli zaat se talluq rakhnay walay afraad ko pasmandah kardeti hai. CAA ya NRC shehriat ka qanoon ya is ki alamat nahi hai balkay is ka hatmi maqsad nafrat aur taasub se mulk ko takseem karne wali quwatoun ki ek saazish hai aur Hindustanoun ka dharna isi ke khilaaf hai. Azaadi ke 70 saloun ke douran Rashtriya Swayamsevak Sangh ki sarbarahi mein Hindu qoum parastoun ne mulk ko ek nafrat ki daastaa’n di hai jis mein musalmanoun aur esaion par hamloun ke ilawa nichli zaat ke aqwam ke khilaaf zulm ki kahaniyan.
Apne wasee aur munazzam kidar ke sath RSS ne qanoon nafiz karne walay idaroun, Taleemi idaroun, Aur adliya ke sath Democracy sameit Hindustani muashray ke tamam pheloun ko yarghamal karliya hai. Hindustan ki parliament mein aksariyat ke sath is BJP hukoomat ka khayaal hai wo Hitler ke nazi baladasti ke formulay par Hindustan ko hindu Rashtra mein tabdeel kar sakti hai. RSS ke baani aur deegar ahem leader nazriati tor par Hitler se mutasir they, Aur unhoun ne Hindustan mein ek hindu Rashtra ka khawab dekha huva hai lekin is waqt jo awaami tehreek chal rahi hai wo RSS ke Hindustan par qabza karne ke khilaaf hai aur is tehreek mein khawateen aur nojawan apni zindagi ko dao par laga rahay Hinjo nah sirf Hindustan balkay duniya ke liye ek tareekhi tehreek hai. Agar Hindustan hindu Rashtria mein badal jata hai to, Ye nah sirf Hindustan balkay duniya ko bhi khatam kardey ga kyunkay hindu Rashtria ke RSS mein science aur dosray mazahab ke haqooq ka koi ehtram nahi hai. Is tehreek ke duniya ke liye sangeen muzamrat hain, Aur jo bhi shakhs insani waqar aur izzat e nafs par yaqeen rakhta hai usay is ka Notice lena chahiye. –YTN STAFF