Hyderabad : Kul hind majlis-e-ittehaad ul muslimin ( AIMIM ) ke sarbarah wo rukan-e-parliment Hyderabad Asaduddin Owaisi ne markazi wazeer-e-dakhla Amit Shah ki janib se hindi ko qaumi zabaan bananay ki appeal ki mukhlifat ki hai.Unhon ne kaha ke Hindustan Hindi, Hindu aur Hindutva se bada hai.
Owaisi ne kaha ke Hindi tamam Hindustaniyoun ki maadri zabaan nahi hai, kiya aap mukhtalif maadri zabanoun ki tanao aur khubsurti ki tareef kar sakte hain? Owaisi ne kaha ke Article 29 tamam Hindustaniyoun ko zabaan, script aur saqafat ka haq deta hai.
Wazeh ho ke aaj Hindi Diwas ke mauqa per munaqida ek programme ke douran wazeer-e-dakhla Amit Shah ne Hindi ke zareya pooray mulk ko jodnay ki appeal ki hai. unhon ne kaha ke mukhtalif zubanain aur boliyan hamaray mulk ki taaqat hain. lekin ab mulk ko ek zabaan ki zaroorat hai, taakay ghair mulki zabanoun ko yahan jagah nah mil paye.
Is liye hindi zabaan ke istemaal ko badhayain aur mulk ki ek zabaan ke Mahatma Gandhi aur sardar patel ke khawab ko poora karen.
Amit Shah ne kaha ke Hindustan mukhtalif zabanon ka mulk hai aur har zabaan ki apni ek ahmiyat hai, lekin pooray mulk ki zabaan hona bohat zurori hai, jo duniya mein Hindustan ki pehchan banjaye. –YTN STAFF