London : England ki ek adalat ne Nirav Modi ko jhatka diya hai kyunkay unki zamanat ki darkhwast ko mustarad kardiya hai. Nirav Modi ne apni sakht narazgi zahir ki aur dhamki ke andaaz mein tweet kiya ke woh khudkushi karlenge.
Nirav Modi ne kaha ke jail mein inhen 3 baar tadpa tadpa kar mara gaya hai. Nirav Modi ko west minister magistrate adalat mein paishi hui thi, woh apne wukla ke sath adalat mein haazir hue aur khud ko zamanat dene ki baat kahi. Nirav Modi ke wakeel ne adalat mein kaha ke Windies worth ke jail mein inhen do baar be rehmi se peeta gaya tha, Unhoun ne daawa kiya ke haal hi mein Nirav ki phir pitaayi ki gayi thi. wakeel ne ye bhi bataya ke mangal ki subah jail mein band do qaidi iski jail mein aaye aur unhon ne Nirav ko zordar ghoonsa mara, sath hi unhein zameen par gira kar mazeed mara, aur unpar musalsal zulm kiya jata hai aur nishana banadiya jata hai.
Jab adalat mein judge ne Nirav ko apni baat rakhnay ke liye kaha to woh kehnay lagey agar adalat inhen Hindustan bhejnay ka faisla karti hai to woh khudkushi karlenge, unhon ne kaha Hindustan bhi unkay sath janbadaranah bartav karega aur mein khud insaaf ki umeed na honay ki wajah se Hindustan jana nahi chahta.
Yaad rahay ke England ki police ne inhen 19 March ko apni hirasat mein le liya tha aur woh junoob maghribi London ki windies worth jail mein qaid hai. Hukoomat-e-hind ke kehnay par inhen girftar karliya gaya hai. –YTN STAFF