New Delhi : Aam intikhabaat 2019 mein congress neh jis tanaza ko apna intikhabi mauzu banaya tha ab wo mauzu phir ek martaba zair-e-behas aaney laga hai jaisa ke aaj Hindustan apna pehla Rafael tayyarah hasil karega.
Wazeer difaa Rajnath Singh aaj Hindustan ko milnay wala pehla Rafael tayyarah haasil karenge. wazeer difaa aaj apne francesi hum mansab Florence parli ke sath baat cheet bhi karenge. wazeh rahay ke aaj Hindustan mein vijay dishmi bhi hai aur yom-e-fazaiya bhi is tanazur mein yeh kaam anjaam diya jaraha hai.
Rajnath Singh Paris mein France ke sadar Emmanuel macron ke sath ijlaas karenge. umeed hai ke is mulaqaat mein dono mumalik ke darmiyan difai aur security taluqaat par tabadlah khayaal hoga. Rajnath Singh baad francesi Bandar-gaah shehar jayenge jahan woh ek taqreeb mein pehla Rafael tayyarah haasil karenge. is taqreeb mein Parli aur Rafael tayyarah bananay wali company aviation ke aala ohdedar bhi moujood rahenge. ohdedaron ke mutabiq tayyarah haasil karne ke baad Rajnath Singh Dussehra ke mauqa par shistar pooja karenge aur phir tayyarah mein udaan bharinge.
Hindustan ne taqreeban 59000 crore rupay mein 36 Rafael ladakhu tayyaray kharednay ke liye September 2016 mein France ke sath moahida kiya tha. zaraye neh kaha ke tayyaray ka pehla squadron Ambala air force station par tainaat kiya jayega jo hindustani fazaiya ke strategic tor par bohat ahem marakaz mein se ek mana jata hai. yeh markaz Hindustan Pakistan sarhad se qareeb 220 kilometer door hai. Rafael ka dosra squadron maghribi bangal mein hoshi mara adday par tainaat kiya jayega. –YTN STAFF