Lahore: Pakistan ke sabiq captain Zaheer Abbas ne hindustani team mein MS Dhoni ki moujoodgi ko trump card qarar daitay hue kaha ke dhoni pehli martaba aalmi cup mein qayadat karne walay Virat kohli ke liye madadgaar saabit honge. Zaheer Abbas ne mazeed kaha ke unke liye hind Pakistan raqabat Asia se bhi kahin badh kar hai aur cricket ke kisi bhi pur star ki tarha woh bhi is muqaabla ka shiddat se intzaar kar rahay hain .
Mega events mein Hind-Pak muqablay ke baarey mein asian bradmin ne kaha ke record agarchay hindustani team ke haq mein hain lekin apne din Pakistani team kisi bhi hareef ko shikast dainay ki salahiyat rakhti hai aur tamam tar inhesar is baat per hoga ke konsi team 16 June ko Manchester may dabao ko bardasht karte hue apne asaab par qaboo rakhti hai .
Zahir abbas ne mazeed kaha ke yeh Tournament ka sab se bada match hoga aur is se koi farq nahi padta ke kon si team kamyabi haasil karti hai. Zaheer Abbas ne kaha hai ke format aur english wicket unke paish nazar is martaba world cup mein fitness ko bohot ziyada ahmiyat haasil hogi aur sab se foot team ko hi aakhri chaar mein jagah bananay ka mauqa mileyga. Zaheer Abbas ne world cup ke liye Pakistan ki hatmi team mein tabdeelion par itminan Zaher karte hue kaha hai ke Pakistani team ko England ke khilaaf sarizki nakami ko bhula kar world cup par tavajja dainee chahiye. Pakistani team ko apni fielding ki behtari par bhi mutwajjah rehna chahiye . –YTN STAFF