New York: American fouj mein shaamil musalman khatoon fouji ne Hijab utaarnay se mutaliq tazleel aamaiz ravayye ke khilaaf fouj par muqadma dair karne ka faisla kar liya.
The indepentend aur The mail mein shaya report ke mutabiq support battalion ki muslim Sergeant Cesilia Valdovinos ne kaha ke woh ba hijab khatoon hain aur unke commando Sergeant major ne deegar sipahiyon ki mojoodgi mein jabran Hijab utaarnay ka hukum diya. unhon ne kaha ke musalman shanakht honay ki wajah se inhen apne hi saathi fojion se intahi nafrat aamaiz ravayye ka saamna hai .
Apne ek interview mein 26 sala Amrici musalman khatoon fouji ne kaha ke mujhe baaz auqaat dehshat gard aur Daaish keh kar puraka jata hai. Cesilia Valdovinos ne afsos ka izhaar karte hue kaha ke mujhe aisay jumlay bhi suneney ko miley ke mein 9/11 hamlay ki zimme daar hun, fouj mein bohat nafrat aur dushmani hai.
wazeh rahay ke Amrici fouj mein sir dhanpnay aur Hijab istemaal karne se mutaliq policy 2017 mein mutaarif karwai gayi thi jis ka tazkara army minyol 03-2017 mein darj hain. Cesilia ne inkishaaf kiya ke –apne khilaaf mazhabi mutassbana rawayya ikhtiyar kiye janay par 7 March ko fouj ke mehakma huqooq mein shikayat darj karwai, lekin aala ohdedaron ne usay ghair musadeqa qarar day kar mere muaqqaf ko mustard kardiya .
Colonel David Zain ne guzashta baras June mein inhen fouji Uniform ke sath Hijab pehnay ki ijazat di aur jab unhon ne Hijab pehna to tab se hi inhen saathi fojion ki janib se shadeed nafrat ka saamna hai. alawa azeen khatoon fouji ne ghair sarkari idaray military religon freedom foundation(MRFF) ko arsaal ki gayi E-mail mein kaha ke apne command Sergeant aur sathiyon ke mutassbana rawayya ki wajah se inhen sakht pareshani la-haq hai. fouj ke mehakma huqooq mein unki darkhwast mustard honay par woh Amrici fouj ke khilaaf adalat ka darwaaza khatkhtayingi .- YTN STAFF