Hyderabad: 2 phiyoun wali gaadi chalanay walay ke liye pehlay Helmet ka istemaal laazmi tha ab is qanoon ko mazeed sakht karte hue ghair mayaari Helmet se ijtinab karne ki hidaayat di gayi hai aur ab to sirf ISI nishaan zada Helmet hi pehna laazmi qaraar diya ja raha hai jo ke awam ki jeep par ziyada boojh hai kyun kay ek ost darjaa ki Helmet jo ke 350 taa 650 rupiye may dastiyab hojati hai is ke bar aks ISI nishaan wali Helmet ki aqat tareen qeemat 1000 taa 1200 rupiye ke darmain hoti hai.
Shehar ke ahem maqamat par ab Police ohdedar Helmet na pahannay waloun ke khilaaf tasweer kashi karne ke ilawa Helmet pehnay waloun ke Helmet ka jaiza letay hue bhi dekhe jarahay hain jabkay Social Media par aisay Videos gasht kar rahay hain jis may Police ohdedar gaadi sawaar afraad ke sar se Helmet oatarkar usay zameen par day marrhe hain. Darin Isna Cyberabad Police Commissioner VC Sajjanar ne 2 pahiye wali gadiyoun ke Drivers se darkhwast ki ke woh gaadi chillatay waqt hifazati ahthiyat ko yakeeni banayen aur ISI ke nishaan zada Helmet pehnein. Wo Helmet Dilers aur dukanoun ke malikaan ko agay anay aur mukhtalif qisam ke ghair mayaari Helmet pesh karne ke liye munaqidah ek taqreeb se khitaab kar rahay they aur sirf achay miyar aur miyyari Helmet farokht karkay khud zimma daari aur dayanatdari ka muzahira karne ka wada le rahay they.
Rawan saal Cyberabad may pesh aeye halakat khaiz hadsaat may 720 amwaat may se 388 amwaat may 2 pahiyah sawaar aur peechay baithy afraad shaamil they. Ohday daaroun ne kaha hai ke hadsaat may jaan bahaq honay walay 94 feesad motercycle ya tu Helmet nahi pehnay hue they ya ghirmayari Helmet pehnay hue they. Police Teamon ne dukanon ki nishandahi karkay jaali Helmet farokht karne par dkandaroun ke khilaaf das fouj daari muqadmaat darj karliye hain. –YTN STAFF